എയർടെൽ മൊബൈൽ, ഹോം ബ്രോഡ്ബാൻഡ് പ്ലാനുകൾ വാങ്ങുമ്പോൾ ഡിസ്‍നി+ ഹോട്ട്‌സ്റ്റാറിലേക്ക് ഒരു വർഷത്തെ സബ്‌സ്ക്രിപ്ഷൻ സൗജന്യമായി ലഭിക്കുന്ന പ്ലാൻ അവതരിപ്പിച്ചു. അതിവേഗ ഡാറ്റ, പരിധിയില്ലാത്ത കോളിംഗ്, പ്രതിദിനം 100 എസ്എംഎസ്, ഡിസ്‌നി+ ഹോട്ട്സ്റ്റാർ സബ്‌സ്ക്രിപ്ഷൻ എന്നിവ ഉൾപ്പെടുന്ന മൂന്ന് പുതിയ പ്രീപെയ്ഡ് പ്ലാനുകൾ എയർടെൽ അവതരിപ്പിച്ചിരിക്കുന്നത്. എയർടെൽ താങ്ക്സ് ആപ്പ് നൽകുന്ന ആനുകൂല്യങ്ങളുടെ ഭാഗമായി 499 രൂപ മുതലുള്ള എല്ലാ എയർടെൽ പോസ്റ്റ്‌പെയ്ഡ് പ്ലാനുകളിലും 999 രൂപ മുതലുള്ള എല്ലാ എയർടെൽ എക്സ്‌സ്ട്രീം ഫൈബർ പ്ലാനുകളിലും ഡിസ്‌നി+ ഹോട്ട്സ്റ്റാർ മൊബൈൽ സബ്‌സ്ക്രിപ്ഷൻ 1 വർഷത്തേയ്ക്ക് സൗജന്യമായി ലഭിക്കുന്നു.

മലപ്പുറം : സ്വീഡ് ഇന്ത്യയുടെ അഖില കേരള ഷോര്‍ട്ട് ഫിലീം മത്സരത്തില്‍ മലപ്പുറം പൈത്തിനിപ്പറമ്പിലെ പ്രാദേശിക കലാകാരന്മാര്‍ അഭിനയിച്ച കണ്ടതും കേട്ടതും എന്ന ഷോര്‍ട്ട് ഫിലീം അഞ്ച് അവാര്‍ഡുകള്‍ കരസ്ഥമാക്കി. മനുഷ്യ ജീവിതത്തില്‍ കൊറോണ വരുത്തിവെക്കുന്ന ദുരന്തങ്ങളുടെയും പരസ്പര സ്‌നേഹത്തിന്റെയും കഥ പറഞ്ഞ ബന്ധുവാര്, ശത്രുവാര് എന്ന സിരീസിനാണ് അവാര്‍ഡ്. മികച്ച നടന്‍ സമീര്‍ സി എച്ച്, മികച്ച നടി രമ്യ മോഹന്‍, സഹ നടന്‍ സിദ്ധീഖ് ബാബു, ക്യാമറ മജീദ് പൈത്തിനി , സംവിധാനം ഹനീഫ് രാജാജി എന്നിവര്‍ക്കാണ് അവാര്‍ഡ് ലഭിച്ചത്. പടം...സ്വീഡ് ഇന്ത്യയുടെ അഖില കേരള ഷോര്‍ട്ട് ഫിലീം മത്സരത്തിലെ അവാര്‍ഡുകള്‍ പൈത്തിനിപ്പറമ്പിലെ പ്രാദേശിക കലാകാരന്മാര്‍ ഏറ്റുവാങ്ങുന്നു