നിശാഗന്ധിയിലെ നിറസദസ്സിന് വിരുന്നായി 'ഒന്നിച്ചൊന്നായ് - ദി റിയൽ കേരളാ സ്റ്റോറി.' വിവേചനങ്ങളുടെയും അടിച്ചമർത്തലിൻ്റെയും നാടായിരുന്ന പഴയ കേരളത്തിൽ നിന്നും പുരോഗമന കേരളത്തിലേക്കുള്ള ഉയിർത്തെഴുന്നേൽപ്പിന്റെ ചരിത്രം അടയാളപ്പെടുത്തുന്നതായിരുന്നു ജി.എസ് പ്രദീപും പ്രമോദ് പയ്യന്നൂരും ചേർന്ന് അവതരിപ്പിച്ച ദൃശ്യാവിഷ്കാരം.

സംസ്ഥാന സർക്കാരിന്റെ ഓണം വാരാഘോഷത്തിന് തിരിതെളിഞ്ഞു.മാനവികതയുടെയും സാഹോദര്യത്തിന്റെയും നേർ കണ്ണാടിയാണ് ഓണമെന്നും നവ കേരളസങ്കല്പം പഴയ ഓണസങ്കല്പത്തേക്കാൾ ഐശ്വര്യസമൃദ്ധമായ പുതു കേരളത്തെ സൃഷ്ടിക്കുന്നുവെന്നും മുഖ്യമന്ത്രി പിണറായി വിജയൻ.

വൈദ്യുത വിളക്കുകൾ സ്വിച്ച് ഓൺ ചെയ്തു ഓണം വാരാഘോഷത്തിന് തുടക്കം കുറിച്ച് വൈദ്യുത ദീപാലങ്കാരങ്ങളിൽ തിളങ്ങി തലസ്ഥാന നഗരി.

കൗതുകം നിറച്ച് ​ഗോസ്റ്റ് ഹൗസും നാലുകെട്ടും ഓണം വാരാഘോഷത്തിന്റെ ഭാഗമായി കനകക്കുന്നിൽ എത്തുന്നവരെ കാത്തിരിക്കുന്നത് ഇത്തവണ നിറയെ സർപ്രൈസുകളാണ്. കനകക്കുന്നിലെ ഗോസ്റ്റ് ഹൗസാണ് മുഖ്യാകർഷണം. പേടിപ്പിക്കുകയും അതേസമയം ത്രസിപ്പിക്കുകയും ചെയ്യുന്ന ദൃശ്യവിസ്മയങ്ങളാണ് അവിടെ ഒരുക്കിയിരിക്കുന്നത്. ഒരു പ്രേതസിനിമ ത്രില്ലിൽ കനകക്കുന്നിലെ ഗോസ്റ്റ് ഹൗസ് കണ്ടിറങ്ങാം. ഗോസ്റ്റ് ഹൗസും കണ്ട് അമ്യുസ്മെന്റ് പാർക്കിലെ പി സി കാറിലും തീവണ്ടിയിലും മിനി ജെയ്ന്റ് വീലിലും കറങ്ങാം.