ട്രാൻസ്‌ജെൻഡർ വ്യക്തികളുടെ സർഗവാസനയും കലാഭിരുചിയും പരിപോഷിപ്പിക്കുന്നതിനായി സംസ്ഥാനതലത്തിൽ സംഘടിപ്പിക്കുന്ന കലോത്സവം ‘വർണപ്പകിട്ട് 2022’ ഒക്ടോബറിൽ തിരുവനന്തപുരത്ത് നടക്കും.

സംസ്ഥാന സർക്കാർ സംഘടിപ്പിച്ച ഈ വർഷത്തെ ഓണം വാരാഘോഷത്തിന് വർണ്ണ ശബളമായ സാംസ്‌കാരിക ഘോഷയാത്രയോടെ സമാപനം കുറിച്ചുകൊണ്ട് മുഖ്യമന്ത്രി ഉദ്ഘാടനം നിർവഹിക്കുമെന്ന് തൊഴിലും വിദ്യാഭ്യാസവും വകുപ്പ് മന്ത്രി വി. ശിവൻകുട്ടി വാർത്താ സമ്മേളനത്തിൽ അറിയിച്ചു.

മയക്കുമരുന്നിന്റെ വിപണനവും ഉപയോഗവും തടയുന്നതിന് സംസ്ഥാന പോലീസ് വകുപ്പ് യോദ്ധാവ് എന്ന പേരിൽ പുതിയ പദ്ധതി ആവിഷ്കരിച്ചു. വിവിധ വകുപ്പുകളുടെ സഹായത്തോടെയാണ് പദ്ധതി നടപ്പിലാക്കുന്നത്.

പാചകത്തൊഴിലാളികൾക്ക് ശമ്പള ഗഡുവും ഉത്സവ ബത്തയും അനുവദിച്ച് സംസ്ഥാന സർക്കാർ. ഓഗസ്റ്റ് മാസത്തിൽ ഒരു പാചകതൊഴിലാളിക്ക് 6000/രൂപ വീതമാണ് അനുവദിച്ചത്. അത് പ്രകാരം 8.25 കോടി രൂപ ഈ മാസം വിതരണം ചെയ്തതായി പൊതു വിദ്യാഭ്യാസ വകുപ്പ് മന്ത്രി വി ശിവൻകുട്ടി അറിയിച്ചു. കൂടാതെ പാചക തൊഴിലാളികൾക്കുള്ള ഫെസ്റ്റിവൽ അലവൻസായ1300 രൂപ വീതവും വിതരണം ചെയ്തു. ഈ ഇനത്തിൽ 1കോടി 78ലക്ഷം രൂപയാണ് ചിലവഴിച്ചത്. സംസ്ഥാനത്ത് ഉച്ചഭക്ഷണ പദ്ധതിയുടെ ഭാഗമായി 13,766 പാചകത്തൊഴിലാളികൾ ജോലി ചെയ്ത് വരുന്നു. ഇവർക്ക് വേതനം നൽകുന്നതിനായി ഒരു മാസം ഏകദേശം 17.5 കോടി രൂപയോളം ആവശ്യമുണ്ട്. കേന്ദ്ര- സംസ്ഥാന സർക്കാരുകൾ അനുവദിച്ചു നൽകേണ്ട ഈ തുകയിൽ 2021-22അധ്യയന വർഷം രണ്ടാം പാദം മുതൽ കേന്ദ്ര വിഹിതം അനുവദിച്ചിട്ടില്ല. പാചക തൊഴിലാളികളുടെ വേതനം ലഭ്യമാക്കുക എന്ന വിഷയത്തിന്റെ അടിയന്തിര പ്രാധാന്യം കണക്കിലെടുത്ത് സംസ്ഥാന സർക്കാർ അധിക വിഹിതം അനുവദിച്ചാണ് 2022 ജൂൺ, ജൂലൈ മാസങ്ങളിൽ ശമ്പളം നൽകിയതെന്നും മന്ത്രി വി ശിവൻകുട്ടി വ്യക്തമാക്കി.