ബിൽക്കീസ് ബാനു കേസിലെ ശിക്ഷിക്കപ്പെട്ട 11 പ്രതികളെ വിട്ടയച്ചതിനെതിരായ ഹരജി സുപ്രിംകോടതി പരിഗണിക്കും. കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്‌സിസ്റ്റ്) പൊളിറ്റ്ബ്യൂറോ അംഗം സുഭാഷിണി അലി, മാധ്യമപ്രവർത്തക രേവതി ലൗൾ, റിട്ട. പ്രഫസറും ആക്ടിവിസ്റ്റുമായ രൂപ് രേഖ് വർമ എന്നിവരാണ് ഗുജറാത്ത് സർക്കാർ നടപടിയെ ചോദ്യം ചെയ്ത് ഹരജി നൽകിയത്.

പ്ലാസ്റ്റിക് മാലിന്യങ്ങള്‍ പുനരുപയോഗം ചെയ്യുന്ന പദ്ധതിയുമായി ആംവേ ഇന്ത്യ. ആംവെയുടെ വിപുലീകൃത ഉല്‍പാദക ഉത്തരവാദിത്തത്തെ (ഇപിആര്‍) അടിസ്ഥാനമാക്കിയാണിത്. ആംവെ ഉത്പന്നങ്ങള്‍ ഉപഭോക്താവിലേക്ക് എത്തുന്നതിനു മുന്‍പും ശേഷവുമുള്ള പ്ലാസ്റ്റിക് മാലിന്യങ്ങള്‍ 100 ശതമാനവും റീസൈക്കിള്‍ ചെയ്യുന്നു.

ഓൾ ഇന്ത്യ പൊലീസ് അക്വാട്ടിക് ചാമ്പ്യൻഷിപ്പിൽ 315 പോയിൻറ് നേടി ബി.എസ്.എഫ് ഓവറോൾ ചാമ്പ്യൻമാരായി. സംസ്ഥാന പോലീസ് വിഭാഗത്തിൽ പുരുഷ, വനിതാ വിഭാഗങ്ങളിൽ ചാമ്പ്യൻമാരായത് കേരളമാണ്. പുരുഷ വിഭാഗത്തിൽ 125 പോയിൻറും വനിതാ വിഭാഗത്തിൽ 100 പോയിൻറും കേരളാ പൊലീസിന് ലഭിച്ചു.

ലക്‌ചറർ നിയമനത്തിന്‌ നെറ്റ്‌ നിർബന്ധമാക്കിയ വ്യവസ്ഥയിൽനിന്ന്‌ ഗവേഷണബിരുദമുള്ളവരെ ഒഴിവാക്കിയ യുജിസി മാനദണ്ഡത്തിന്‌ മുൻകാലപ്രാബല്യമുണ്ടെന്ന്‌ സുപ്രീംകോടതി. 2016ൽ പുറത്തിറക്കിയ റെഗുലേഷനിൽ 2009 റെഗുലേഷന്‌ മുമ്പ്‌ പിഎച്ച്‌ഡി നേടിയവർക്ക്‌ നെറ്റ്‌ വേണ്ടെന്ന വ്യവസ്ഥ ബാധകമാകുമെന്ന്‌ യുജിസി വിശദീകരിച്ചിരുന്നു.