കൊച്ചി: ഇന്ത്യന്‍ നാവികസേനയും സ്റ്റേറ്റ് ബാങ്ക് ഓഫ് ഇന്ത്യയും (എസ്ബിഐ) സംയുക്തമായി ഇന്ത്യയിലെ ഏറ്റവും വലിയ നാവിക വിമാനവാഹിനിക്കപ്പലായ ഐഎന്‍എസ് വിക്രമാദിത്യയില്‍ എസ്ബിഐയുടെ എന്‍എവി-ഇക്യാഷ് കാര്‍ഡ് പുറത്തിറക്കി. എസ്ബിഐ റീട്ടെയില്‍ ആന്‍ഡ് ഡിജിറ്റല്‍ ബാങ്കിംഗ് മാനേജിംഗ് ഡയറക്ടര്‍ സി. എസ്. സെട്ടി, വെസ്റ്റേണ്‍ നേവല്‍ കമാന്‍ഡ് ഫ്ളാഗ് ഓഫീസര്‍ കമാന്‍ഡ്-ഇന്‍-ചീഫ് വൈസ് അഡ്മിറല്‍ ആര്‍. ഹരികുമാര്‍ എന്നിവരുടെ സാന്നിധ്യത്തിലായിരുന്നു ഈ കാര്‍ഡിന്‍റെ പ്രകാശനം. കപ്പലുകള്‍ ഉള്‍ക്കടലില്‍ ആയിരിക്കുമ്പോള്‍ കണക്ടീവിറ്റി ലഭ്യമല്ലാത്ത സാഹചര്യത്തില്‍ ഓണ്‍ലൈന്‍ ആയും ഓഫ്ലൈനായും ഇടപാടുകള്‍ നടത്താന്‍ സഹായിക്കുന്നതാണ് എന്‍എവി-ഇക്യാഷ് കാര്‍ഡ്. ഇരട്ട ചിപ് സാങ്കേതികവിദ്യയുടെ സഹായത്തോടെയാണ് ഈ സൗകര്യമൊരുക്കിയിട്ടുള്ളത്. ഇതോടെ ഉള്‍ക്കടലിലെ കപ്പിലില്‍ ക്യാഷ് കൈകാര്യം ചെയ്യേണ്ട പ്രയാസകരമായ അവസ്ഥ നാവികര്‍ക്കില്ലാതാവുകയാണ്. ഉള്‍ക്കടലില്‍ ക്യാഷ് നല്‍കാതെ, ഡിജിറ്റലായി പണം കൊടുത്ത് വിവിധ സേവനങ്ങള്‍ പ്രാപ്യമാക്കുകയാണ് എന്‍എവി-ഇക്യാഷ് കാര്‍ഡ്. സുരക്ഷിതവും സൗകര്യപ്രദവും സുസ്ഥിരവുമായ പേയ്മെന്‍റ് ആവാസവ്യവസ്ഥ മറ്റ് നാവിക കപ്പലുകളിലും വിവിധ പ്രതിരോധ സ്ഥാപനങ്ങളിലും ലഭ്യമാക്കുവാന്‍ കഴിയുമെന്ന് പ്രതീക്ഷിക്കുന്നതായി കാര്‍ഡ് പുറത്തിറക്കിക്കൊണ്ട് എസ്ബിഐ റീട്ടെയില്‍ ആന്‍ഡ് ഡിജിറ്റല്‍ ബാങ്കിംഗ് മാനേജിംഗ് ഡയറക്ടര്‍ സി. എസ്. സെട്ടി പറഞ്ഞു.

കൊച്ചി: അന്താരാഷ്ട്ര വയോജന ദിനാഘോഷത്തോടനുബന്ധിച്ച്, രാജ്യത്തെ ഏറ്റവും വലിയ വായ്പാ ദാതാവായ സ്റ്റേറ്റ് ബാങ്ക് ഓഫ് ഇന്ത്യ ശാഖകളില്‍ 'എന്‍പി എസ് (നാഷണല്‍ പെന്‍ഷന്‍ സിസ്റ്റം) ദിവസ്' ആചരിച്ചു.

India, 2021: ഫാഷൻ, ലൈഫ്സ്റ്റൈൽ, ബ്യൂട്ടി ഉൽപ്പന്നങ്ങൾ എന്നിവയ്ക്കായുള്ള ഈ ആഘോഷ സീസണിലെ ഏറ്റവും വലിയ ഷോപ്പിംഗ് കാർണിവലായ 'ബിഗ് ഫാഷൻ ഫെസ്റ്റിവൽ' ഒക്ടോബർ 3 മുതൽ 10 വരെ നടക്കുമെന്ന് മിന്ത്ര പ്രഖ്യാപിച്ചു.

ഏറ്റവും കുറഞ്ഞ ചെലവിൽ ഫെസ്റ്റീവ് ഷോപ്പിംഗും 20 കോടി രൂപയുടെ വലിയ സമ്മാനങ്ങളും India, 2021: ഇന്ത്യയിലെ അതിവേഗം വളരുന്ന ഇന്റർനെറ്റ് കൊമേഴ്‌സ് പ്ലാറ്റ്‌ഫോമായ മീഷോ അവരുടെ ആദ്യത്തെ വാർഷിക ഫ്ലാഗ്ഷിപ്പ് സെയിൽ ഇവന്റായ മഹാ ഇന്ത്യൻ ഷോപ്പിംഗ് ലീഗ് 2021 ഒക്ടോബർ 6 മുതൽ 9 വരെ നടക്കുമെന്ന് പ്രഖ്യാപിച്ചു. നാല് ദിവസത്തെ ആഘോഷ വിൽപ്പനയ്ക്ക് മുന്നോടിയായി ഒരു ലക്ഷത്തിലധികം പുതിയ വിൽപ്പനക്കാരെ കമ്പനി ഉൾപ്പെടുത്തിയിട്ടുണ്ട്. ഉപഭോക്താക്കൾക്ക് 700-ലധികം വിഭാഗങ്ങളിൽ നിന്ന് ഷോപ്പ് ചെയ്യാനും 20 കോടി രൂപയുടെ സമ്മാനങ്ങൾ നേടാനും അവസരമുണ്ട്