മടവൂർ പാറയുടെ സമഗ്ര ടൂറിസം വികസനത്തിന് വേണ്ടി ഭൂമി വിട്ടു നൽകിയവരിൽ നിന്നും രേഖകൾ ഏറ്റുവാങ്ങി. ചടങ്ങിന്റെ ഉദ്ഘാടനം കടകംപള്ളി സുരേന്ദ്രൻ എം എൽ എ നിർവഹിച്ചു. ആയിരകണക്കിന് വിനോദസഞ്ചാരികൾ വന്നു പോകുന്നയിടമായി മടവൂർ ഗുഹാക്ഷേത്രത്തെ മാറ്റണമെന്ന് എം. എൽ. എ പറഞ്ഞു.പ്രദേശത്തെ ടൂറിസം സാധ്യതകൾ പരമാവധി പ്രയോജനപ്പെടുത്തണമെന്നും അദ്ദേഹം കൂട്ടിച്ചേർത്തു.
മടവൂർ പാറയുടെ ടൂറിസം വികസനം മുന്നിൽക്കണ്ട് രണ്ടാംഘട്ട വികസന പ്രവർത്തനങ്ങൾ നടപ്പാക്കാൻ കൂടുതൽ ഭൂമി ഏറ്റെടുക്കാനുള്ള നടപടികൾ പൂർത്തിയായി. 9 വ്യക്തികളിൽ നിന്നായി 1 ഏക്കർ 28 സെന്റ് ഭൂമിയാണ് ടൂറിസം വകുപ്പ് ഏറ്റെടുത്തത്. 3.75 കോടി രൂപയാണ് ഭൂമി ഏറ്റെടുക്കൽ നടപടികൾക്കായി വിനിയോഗിച്ചത്.
ജില്ലാ കളക്ടർ ജെറോമിക് ജോർജ് അധ്യക്ഷത വഹിച്ചു. ടൂറിസം വകുപ്പ് ഉദ്യോഗസ്ഥരും നാട്ടുകാരും പരിപാടിയിൽ സന്നിഹിതരായി.
