ആലപ്പുഴ: ദേശീയപാതയിലെ കുഴിയില്‍ വീണ് എസ്ഐക്ക് പരുക്ക്. കായംകുളം എസ്‌ഐ വി. ഉദയകുമാറിനാണ് പരിക്കേറ്റത്. ഇന്നലെ രാത്രി ജോലി കഴിഞ്ഞ് വീട്ടിലേക്ക് മടങ്ങുന്നതിനിടയില്‍ കെപിസി ജംഗ്ഷന് സമീപത്ത് വച്ചായിരുന്നു അപകടം.
ബൈക്കില്‍ യാത്ര ചെയ്യുന്നതിനിടെ റോഡിലെ കുഴിയില്‍ വീണ് നിയന്ത്രണം നഷ്ടമായാണ് അപകടമുണ്ടായത്. അപകടത്തില്‍ എസ്ഐക്ക് കൈക്കും കാലിനും പരിക്കേറ്റിട്ടുണ്ട്. ഇദ്ദേഹത്തെ നാട്ടുകാര്‍ ചേര്‍ന്നാണ് കായംകുളം താലൂക്ക് ആശുപത്രിയില്‍ പ്രവേശിപ്പിച്ചത്.
