രണ്ടാം പിണറായി വിജയൻ സർക്കാരിന്റെ ഒന്നാം വാർഷികത്തോടനുബന്ധിച്ച് നടന്ന എന്റെ കേരളം മെഗാ മേള സമാപിച്ചു. കഴിഞ്ഞ എഴുദിവസങ്ങളായി കനകക്കുന്നിൽ സംഘടിപ്പിച്ച പ്രദർശന വിപണന മേള സേവന മികവുകൊണ്ടും ജന പങ്കാളിത്തം കൊണ്ടും ഏറെ ശ്രദ്ധേയമായി.
സർക്കാരിന്റെ വിവിധ വകുപ്പുകളുടെ ഇരുപതോളം സേവന സ്റ്റാളുകളുകളിൽ നിന്നും നാലായിരത്തിൽ അധികം പേർക്കാണ് സേവനങ്ങൾ നൽകിയത്. നൂറ്റിനാല് പ്രദർശന സ്റ്റാളുകളും മേളയിൽ സജ്ജീകരിച്ചു. സർക്കാർ വകുപ്പുകളുടെയും ചെറുകിട സംരംഭകരുടെയും ഉത്പന്നങ്ങൾ വിപണി വിലയെക്കാൾ മിതമായ നിരക്കിൽ പൊതുജനങ്ങൾക്ക് കുറഞ്ഞ നിരക്കിൽ വില്പന നടത്തിയ വിപണന സ്റ്റാളുകളും മേളയുടെ പ്രധാന ആകർഷണങ്ങളിൽ ഒന്നായിരുന്നു. മേള സന്ദർശിക്കുന്നവർക്ക് തിരുവനന്തപുരത്തിന്റെ തനതായ രുചികളും മറ്റ് ജില്ലകളിലെ വ്യത്യസ്തമായ രുചികളും ഗോത്ര രുചികളും ആസ്വദിക്കാനാവുന്ന വിധത്തിൽ വിപുലമായ ഭക്ഷ്യമേളയാണ് ഒരുക്കിയത്. അനന്തപുരിക്ക് ഉത്സവമേളം സമ്മാനിച്ച് നടന്ന കലാപരിപാടികളും മേളയുടെ മാറ്റ് കൂട്ടുന്നവയായിരുന്നു.
