കോഴിക്കോട്: ലോക രക്തദാന ദിനത്തോടനുബന്ധിച്ച് ഗവണ്‍മെന്റ് സൈബര്‍പാര്‍ക്കില്‍ രക്തദാന ക്യാംപ് സംഘടിപ്പിച്ചു. മൈത്രാ ഹോസ്പിറ്റലും കാഫിറ്റുമായി ചേര്‍ന്ന് സംഘടിപ്പിച്ച പരിപാടിയില്‍ സൈബര്‍പാര്‍ക്കിലെ ജീവനക്കാരും കാഫിറ്റില്‍ അംഗങ്ങളായ കമ്പനികളുടെ ഡയറക്ടര്‍മാരും ജീവനക്കാരുമടക്കം 75ലധികം പേര്‍ രക്തദാനം നടത്തി. ധാത്രി ബ്ലഡ് സ്റ്റീം സെല്‍ ഡോണേഴ്‌സ് രജിസ്ട്രിയുമായി സഹകരിച്ച് രക്തമൂലകോശം ദാനം ചെയ്യുന്നതിനുള്ള രജിസ്‌ട്രേഷനും ഇതോടൊപ്പം സംഘടിപ്പിച്ചു. കാഫിറ്റും സൈബര്‍പാര്‍ക്കുമായി സഹകരിച്ച് നടത്തുന്ന രണ്ടാമത്തെ രക്തദാന ക്യാംപാണ് ഇന്ന് സംഘടിപ്പിച്ചത്.