തിരുവനന്തപുരം: തിരുവനന്തപുരം പ്രസ് ക്ലബിൻ്റെ ആഭിമുഖ്യത്തിൽ മാദ്ധ്യമപ്രവർത്തകരായ അറുനൂറോളം പേർക്ക് കോവിഡ് റിലീഫ് കിറ്റ് വിതരണം ചെയ്തു. പ്രസ് ക്ലബ് പ്രസിഡൻ്റ് എം. രാധാകൃഷ്ണൻ്റെ അദ്ധ്യക്ഷതയിൽ ചേർന്ന യോഗത്തിൽ മന്ത്രിമാരായ ജി.ആർ.അനിൽ , ആൻ്റണി രാജു, എൽ.ഡി.എഫ് കൺവീനർ എ. വിജയരാഘവൻ, കെ.പി.സി.സി മുൻ പ്രസിഡൻ്റ് വി.എം. സുധീരൻ, ബി.ജെ.പി സംസ്ഥാന സെക്രട്ടറി സി. ശിവൻകുട്ടി എന്നിവർ സം‌സാരിച്ചു. മുതിർന്ന മാദ്ധ്യമപ്രവർത്തകരായ കെ.ജി.പരമേശ്വരൻ നായർ, എസ്.ആർ. ശക്തിധരൻ, ഐ ബി എസ് സോഫ്ട് വെയർ പ്രതിനിധി മാത്യു ജോഷ്വാ, സംഘമൈത്രി ഫാർമേഴ്സ് പ്രൊഡ്യൂസർ കമ്പനി ചെയർമാൻ ആർ.ബാലചന്ദ്രൻ നായർ എന്നിവരെ പൊന്നാട ചാർത്തി ആദരിച്ചു. ക്ലബ് സെക്രട്ടറി രാജേഷ് രാജേന്ദ്രൻ സ്വാഗതം ആശംസിച്ചു