തൃശൂർ: അഖിലേന്ത്യ കിസാൻ സഭയുടെ ജനറൽ സെക്രട്ടറിയായി മലയാളിയായ വിജൂ കൃഷ്ണൻ തെരഞ്ഞെടുക്കപ്പെട്ടു. തൃശ്ശൂരിൽ ചേർന്ന ദേശീയ സമ്മേളനത്തിലാണ് ഭാരവാഹികളെ ത്വരെഞ്ഞെടുത്തത്. പ്രസിഡന്റായി അശോക് ധാവ്ളയും ഫിനാൻസ് സെക്രട്ടറിയായി പി കൃഷ്ണപ്രസാദും തുടരും. കിസാൻ സഭയുടെ ജോയിന്റ് സെക്രട്ടറിയായി പ്രവർത്തിച്ചിരുന്ന വിജൂ കൃഷ്‌ണൻ സി പി എം കേന്ദ്ര കമ്മിറ്റി അംഗമാണ്. കണ്ണൂർ കരിവള്ളൂർ സ്വദേശിയായ ഇദ്ദേഹം കഴിഞ്ഞ കുറെ വർഷങ്ങളായി കർഷക പ്രക്ഷോഭങ്ങളിലും സമരങ്ങളിലും സജീവ സാന്നിധ്യമാണ്.