ബംഗളൂരു: കർണാടക ചിത്രദുർഗയിലെ ജഗദ്‌ഗുരു മുരുകരാജേന്ദ്ര വിദ്യാപീഠം മുഖ്യ മഠാധിപതിക്കെതിരെ പോക്‌സോ കേസ്. മഠാധിപതി ശിവമൂർത്തി മുരുക ശരണർ ഉൾപ്പെടെ അഞ്ച്‌ പേർക്കെതിരെയാണ്‌ കേസ്. മഠത്തിന്‌ കീഴിലുള്ള ഹോസ്‌റ്റലിലെ അന്തേവാസികളായ പ്രായപൂർത്തിയാകാത്ത പെൺകുട്ടികളെ പീഡിപ്പിച്ചെന്ന പരാതിയിൽ മൈസൂരു സിറ്റി പൊലീസാണ്‌ കേസെടുത്തത്‌.
ലിംഗായത്ത്‌ വിഭാഗത്തിന്റെ ആത്മീയകേന്ദ്രംകൂടിയാണ്‌ മുരുകമഠം. ഈ മാസമാദ്യം രാഹുൽ ഗാന്ധി മഠം സന്ദർശിച്ച്‌ ദീക്ഷ സ്വീകരിച്ചിരുന്നു. കേസ് ഗൂഢാലോചനയാണെന്ന് മഠം ആരോപിച്ചു.
