ന്യൂഡൽഹി: ആം ആദ്മി പാർടിയെ പിളർത്തി ബിജെപി അട്ടിമറി ശ്രമം നടത്തുന്നുവെന്ന ആരോപണം ശക്തമായിരിക്കേ ഡൽഹി സർക്കാർ ചൊവ്വാഴ്ച നിയമസഭയിൽ വിശ്വാസവോട്ട് തേടും. തിങ്കളാഴ്ച നിയമസഭയിൽ ബിജെപിയെ കടന്നാക്രമിച്ച മുഖ്യമന്ത്രി അരവിന്ദ് കെജ്രിവാളാണ് പിന്തുണ ബോധ്യപ്പെടുത്താൻ വിശ്വാസവോട്ട് തേടുമെന്ന് പ്രഖ്യാപിച്ചത്.
ഓപ്പറേഷൻ താമര ഡൽഹിയിൽ വെറും ഓപ്പറേഷൻ ചേറായി മാറി. ഗുജറാത്ത് തെരഞ്ഞെടുപ്പുവരെ എഎപിയെ ലക്ഷ്യമിട്ട് ബിജെപി കേസുകൾ ഉണ്ടാക്കുമെന്നും അദ്ദേഹം പറഞ്ഞു. 70 അംഗ നിയമസഭയിൽ 62 എംഎൽഎമാരാണ് എഎപിക്കു*ള്ളത്.
