March 29, 2024

Login to your account

Username *
Password *
Remember Me

ചെറുകിട വ്യാപാരികള്‍ക്ക് ഇന്‍ഷൂറന്‍സും ധനസഹായ നിധിയും; വിപുലമായ ക്ഷേമ പദ്ധതിയുമായി വികെസി

Insurance and finance fund for small traders; VKC with comprehensive welfare scheme Insurance and finance fund for small traders; VKC with comprehensive welfare scheme
കോഴിക്കോട്: ചെറുകിട വ്യാപാരികളെ ശാക്തീകരിച്ച് പ്രാദേശിക സമ്പദ്ഘടനയ്ക്ക് ഉത്തേജനം നല്‍കുന്ന #ShopLocal പ്രചാരണത്തിന്റെ ഭാഗമായി വികെസി ഗ്രൂപ്പ് ഷോപ്പ് ലോക്കല്‍ ഡീലര്‍ കെയര്‍ (VKC #ShopLocal Dealer Care Scheme) എന്ന പേരില്‍ വിപുലമായ വ്യാപാരി ക്ഷേമ പദ്ധതിക്ക് തുടക്കിമിട്ടു. വ്യാപാരികള്‍ക്കും അവര്‍ക്കു കീഴിലുള്ള ജീവനക്കാര്‍ക്കും ഇന്‍ഷുറന്‍സ് പരിരക്ഷാ പദ്ധതി പൊതുമരാമത്ത്, ടൂറിസം മന്ത്രി മുഹമ്മദ് റിയാസ് ഉല്‍ഘാടനം ചെയ്തു. വില്‍പ്പനയ്ക്ക് ആനുപാതികമായി വ്യാപാരിക്കും സെയില്‍സ്മാനും - ഒരു കടയിലെ നാലുപേര്‍ക്കു വരെ ഏപ്രില്‍ ഒന്നു മുതല്‍ രണ്ടു ലക്ഷം രൂപയുടെ ഇന്‍ഷുറന്‍സ് പരിരക്ഷ നല്‍കും. എല്ലാവിധ അപകടങ്ങള്‍ക്ക് 40,000 രൂപ വരെ ആശുപത്രി ചികിത്സാ ധനസഹായം ലഭിക്കും. മികച്ച പ്രകടനം കാഴ്ചവെച്ച റീട്ടെയിലര്‍മാരായ മുജീബ് റഹ്‌മാന്‍, വി എ ഫൈസല്‍, സിദ്ദീഖ് എന്നിവര്‍ക്ക് ഈ പദ്ധതി പ്രകാരമുള്ള ആദ്യ ഇന്‍ഷൂറന്‍സ് പോളിസി ചടങ്ങില്‍ മന്ത്രി കൈമാറി.
"ചെറുകിട കച്ചവക്കാര്‍, മൊത്തവ്യാപാരികള്‍, ഡീലര്‍മാര്‍, ഉപഭോക്താക്കള്‍ എന്നിവരടങ്ങുന്ന ഒരു വലിയ കുടുംബമാണ് വികെസി. പുതുതായി അവതരിപ്പിച്ച VKC #ShopLocal Dealer Care പദ്ധതിയിലൂടെ ഇവരില്‍ ഓരോരുത്തരുടേയും ക്ഷേമം ഉറപ്പാക്കും. ഏകദേശം 15000 ഡീലര്‍മാര്‍ക്കു ഈ പദ്ധതിയുടെ ആനുകൂല്യം ലഭ്യമാക്കുകയാണ് ലക്ഷ്യം"- വികെസി ഗ്രൂപ്പ് മാനേജിംഗ് ഡയറക്ടര്‍ വി.കെ.സി. റസാക്ക് പറഞ്ഞു.
വ്യാപാരികള്‍ക്ക് പുറമെ അവരുടെ കുടുംബാംഗങ്ങള്‍ക്കും സഹായം ഉറപ്പാക്കുന്ന ഒരു കോടി രൂപയുടെ (പരമാവധി) പ്രത്യേക ബെനവലന്റ് ഫണ്ടാണ് ഡീലര്‍ കെയര്‍ സ്‌കീമില്‍ വികെസി ഗ്രൂപ്പ് നടപ്പിലാക്കുന്ന മറ്റൊരു പദ്ധതി. ഈ ധനസഹായ നിധിയിലേക്ക് ആദ്യ ഘട്ടമായി 50 ലക്ഷം രൂപ ഏപ്രില്‍ ഒന്നിന് കമ്പനി നിക്ഷേപിക്കും.
കേരളത്തിലെ വ്യാപാരികള്‍ക്കും അവരുടെ കുടുംബാംഗങ്ങള്‍ക്കുമായി 25000 രൂപ മുതല്‍ ഒരു ലക്ഷം രൂപ വരെ ചികിത്സാ ധനസഹായമായി ഈ ഫണ്ടില്‍ നിന്നും ധനസഹായം ലഭ്യമാക്കും. ഓരോ വര്‍ഷവും വികെസി ഗ്രൂപ്പ് ഈ ഫണ്ടിലേക്കായി ഒരു കോടി രൂപ വീതം നീക്കിവെക്കും. ഒരോ വര്‍ഷവും ബാക്കി വരുന്ന തുക അടുത്ത വര്‍ഷത്തില്‍ കൂടുതല്‍ ധനസഹായ വിതരണത്തിന് ഉപയോഗപ്പെടുത്തും. ഈ ഫണ്ട് കൈകാര്യം ചെയ്യുന്നതിനും നടത്തിപ്പിനുമായി ഹോള്‍സെയില്‍-റീട്ടെയ്ല്‍ വ്യാപാരികളുടെ പ്രതിനിധികള്‍, സ്വതന്ത്ര അംഗങ്ങള്‍ എന്നിവരടങ്ങുന്ന പ്രത്യേക ഭരണസമിതി രൂപീകരിക്കുമെന്നും വികെസി ഗ്രൂപ്പ് അറിയിച്ചു.
Rate this item
(0 votes)
Pothujanam

Pothujanam lead author

Leave a comment

Make sure you enter all the required information, indicated by an asterisk (*). HTML code is not allowed.