പട്ടിക വര്‍ഗ വികസന വകുപ്പിനു കീഴിലെ സ്‌കൂള്‍ വിദ്യാര്‍ഥികളുടെ കായിക മേളയായ കളിക്കളം ചൊവ്വാഴ്ച(നവംബർ 8 )ആരംഭിക്കും. കാര്യവട്ടം എല്‍.എന്‍.സി.പി.ഇയില്‍ നവംബർ 8,9,10 തീയതികളിലാണ് മേള നടക്കുന്നത്. പട്ടികവർഗ്ഗ വികസന വകുപ്പിന് കീഴിൽ പ്രവർത്തിക്കുന്ന 22 മോഡൽ റസിഡൻഷ്യൽ സ്കൂളുകളിലെയും, 115 പ്രീമെട്രിക് , പോസ്റ്റ് മെട്രിക് ഹോസ്റ്റലുകളിലെയും വിദ്യാർത്ഥികളുടെ ആറാമത് സംസ്ഥാനതല കായികമേളയാണിത്.

കായികമേളയുടെ ഉദ്ഘാടനം നവംബർ എട്ടിനു  പട്ടികജാതി, പട്ടികവർഗ്ഗ, പിന്നാക്കക്ഷേമ വകുപ്പ് മന്ത്രി കെ. രാധാകൃഷ്ണൻ നിർവ്വഹിക്കും. കടകംപള്ളി സുരേന്ദ്രൻ എം . എൽ . എ അധ്യക്ഷനാകും. നവംബർ 10ന് വൈകിട്ട് മൂന്നുമണിക്ക് പട്ടിക വര്‍ഗവികസന വകുപ്പ് മന്ത്രി കെ രാധാകൃഷ്ണൻ സമ്മാനദാനവും സമാപനസമ്മേളനത്തിന്റെയും ഉദ്ഘാടനവും നിര്‍വ്വഹിക്കും. മേയർ ആര്യ രാജേന്ദ്രൻ അധ്യക്ഷത വഹിക്കുന്ന ചടങ്ങിൽ കായിക വകുപ്പ് മന്ത്രി വി. അബ്ദുറഹ്മാൻ മുഖ്യാതിഥിയാകും.