തിരു: തിരുവനന്തപുരം പ്രസ് ക്ലബ് ചന്ദ്രശേഖരൻ നായർ സറ്റേഡിയത്തിൽ സംഘടിപ്പിച്ചിരിക്കുന്ന യാനാ ട്രോഫി മീഡിയ ഫുട്ബാൾ ടൂർണമെൻ്റിലെ ലീഗ് മത്സരങ്ങൾ ഇന്നലെ അവസാനിച്ചു.
ഇന്നലത്തെ മത്സരങ്ങളിൽ കേന്ദ്ര മന്ത്രി വി.മുരളീധരൻ മുഖ്യാതിഥിയായിരുന്നു. പ്രസ് ക്ലബ് പ്രസിഡൻ്റ് എം. രാധാകൃഷ്ണൻ്റെ അദ്ധ്യക്ഷതയിൽ ചേർന്ന യോഗം കേന്ദ്രമന്ത്രി ഉദ്ഘാടനം ചെയ്തു. മുൻ സന്തോഷ് ട്രോഫി താരം എബിൻ റോസ്, യാന ഹോസ്പിറ്റൽ ജനറൽ മാനേജർ ജോബ് പി. ചാണ്ടി, പ്രസ് ക്ലബ് സെക്രട്ടറി എച്ച്. ഹണി, മാദ്ധ്യമപ്രവർത്തകരായ കെ.പി. കൈലാസ് നാഥ്, പി.ആർ. പ്രവീൺ, അജി എം. നൂഹു, എ.വി. മുസാഫിർ, രാമചന്ദ്രൻ നായർ, എസ്.സതീഷ് കുമാർ എന്നിവർ സംസാരിച്ചു.
ഇന്ന് രാവിലെ ക്വാർട്ടർ ഫൈനൽ മത്സരങ്ങളും ഉച്ചയ്ക്കുശേഷം സെമി ഫൈനലും നടക്കും. നാളെയാണ് ഫൈനൽ.
