വിളപ്പിൽശാല ഗവർമെന്റ് യു പി സ്കൂളിൽ വിദ്യാർത്ഥികളിൽ നിന്ന് സ്കൂൾ അധികൃതർ പ്രവേശന ഫീസ് വാങ്ങിയെന്ന പരാതിയിൽ അന്വേഷണം നടത്താൻ നിർദേശം നൽകി പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി. ടെക്സ്റ്റ് ബുക്ക് ഫീ,സ്പെഷ്യൽ ഫീ, പി ടി എ ഫണ്ട്, വിദ്യാലയ വികസനസമിതിയ്ക്കുള്ള ഫണ്ട് തുടങ്ങിയവക്കായി ഫീസ് വാങ്ങിയെന്നാണ് പരാതി.
ഇക്കാര്യം അന്വേഷിച്ച് റിപ്പോർട്ട്‌ നൽകാൻ തിരുവനന്തപുരം വിദ്യാഭ്യാസ ഉപഡയറക്ടർക്കാണ് മന്ത്രി വി ശിവൻകുട്ടി നിർദേശം നൽകിയത്. സ്‌കൂളുകളിൽ അനധികൃതമായി ഫീസ് വാങ്ങാൻ പാടില്ലെന്ന് മന്ത്രി നേരത്തെ തന്നെ വ്യക്തമാക്കിയിരുന്നു.
