തിരുവനന്തപുരം: വിഴിഞ്ഞം തുറമുഖ നിർമാണത്തിന് പോലിസ് സംരക്ഷണം നല്‍കണമെന്ന് ഹൈക്കോടതി. അദാനി ഗ്രൂപ്പ് നൽകിയ ഹരജിയിലാണ് കോടതി ഉത്തരവ്. തുറമുഖനിര്‍മാണം നിർത്തിവെക്കാനാകില്ലെന്ന നിലപാടാണ് സർക്കാറും കോടതിയിൽ സ്വീകരിച്ചത് .
ക്രമസമാധാനം സംസ്ഥാന പൊലീസിന് സാധിച്ചില്ലെങ്കിൽ കേന്ദ്രസേനയെ വിളിക്കാമെന്നാണ് കോടതി ഉത്തരവ്. തുറമുഖനിർമാണ പ്രദേശത്ത് സമരക്കാർ അതിക്രമിച്ച് കടക്കരുത്,പ്രതിഷേധങ്ങളുണ്ടെങ്കിൽ അത് സമാധാനപരമായിരിക്കണം, സർക്കാരിന്റെ പദ്ധതിക്ക് തടസ്സം നിൽക്കാൻ പാടില്ല എന്നുമാണ് കോടതിയുടെ നിർദേശം.
