ഇന്ന് ഞങ്ങൾക്ക് ട്രൂകോളറിൽ ഒരു പ്രത്യേക ദിവസമാണ്. മികച്ച ഭാവിക്കായുള്ള അടിത്തറയാണ് ചെറിയ തുടക്കങ്ങൾ എന്ന് പറയുമ്പോഴും, ആർക്കും ഒരൊറ്റ രാത്രികൊണ്ട് നേടാനാകുന്നതല്ല വിജയം എന്ന് ഞങ്ങൾക്കറിയാം. ഇന്ന് വളരെ അഭിമാനത്തോടെ ഒരു സ്പെഷ്യൽ വീഡിയോ നിങ്ങളുടെ മുന്നിൽ കാഴ്ചവെയ്ക്കുകയാണ്: ‘ദ് സ്റ്റോറി ഓഫ് ട്രൂകോളർ’.

വ്യക്തമായി പറഞ്ഞാൽ ഇത് വെറുമൊരു വീഡിയോ മാത്രമല്ല. ചെറുപ്പക്കാരായ രണ്ട് പാഷണേറ്റ് എഞ്ചിനീയർമാരുടെ മനസ്സിൽ വെറുമൊരു ആശയം മാത്രമായി നിലനിന്നിരുന്ന ട്രൂകോളറിന്റെ പ്രാരംഭ ഘട്ടം കാണിക്കുന്നതാണ് ഈ വീഡിയോ. നമ്മളെ ലോകത്തിന്റെ എല്ലാ ഭാഗങ്ങളിലേയ്ക്കും കൊണ്ടുപോകുന്നതാണ് അലന്റെയും നമിയുടെയും കഥ. സ്വീഡനിലെ സർവകലാശാലയിൽ വച്ച് കണ്ടുമുട്ടിയ അവർ നമിയുടെ പുതിയ സ്മാർട്ട്ഫോണുമായി ബന്ധപ്പെട്ട ചർച്ചകളിലൂടെ സൗഹൃദത്തിലായി. 2009-ൽ ഒരു ഓൺലൈൻ ഫോറത്തിൽ അവർ ട്രൂകോളർ പോസ്റ്റ് ചെയ്തു. 12 വർഷങ്ങൾക്കിപ്പുറം ലോകമെമ്പാടുമുള്ള 280 ദശലക്ഷം ഉപയോക്താക്കൾക്ക് ഒഴിച്ചുകൂടാനാകാത്ത സേവനം നൽകുന്ന ഒന്നായി ട്രൂകോളർ ഇന്ന് മാറിയിരിക്കുന്നു. സ്ഥാപകർ തന്നെ അവരുടെ പ്രചോദനാത്മകമായ കഥ ഈ ഫിലിമിലൂടെ പറയുന്നു.

ഞങ്ങളുടെ ഔദ്യോഗിക യൂട്യൂബ് ചാനലിൽ വീഡിയോ കാണാവുന്നതാണ്: https://youtu.be/vpHpv2AWoV4