കേരളത്തിലെ ഐ.ടി പാര്‍ക്കുകളുടെ സി.ഇ.ഒയുടെ ചുമതല സ്‌നേഹില്‍ കുമാര്‍ സിങ്ങിന് നല്‍കി സര്‍ക്കാര്‍ ഉത്തരവായി. കേരളാ സ്റ്റേറ്റ് ഐ.ടി മിഷന്റെയും ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി വകുപ്പ് ഡെപ്യൂട്ടി സെക്രട്ടറിയുടെയും ചുമതലകള്‍ വഹിക്കുന്ന സ്‌നേഹില്‍ കുമാറിന് അധിക ചുമതലയായാണ് ഐ.ടി പാര്‍ക്ക് സി.ഇ.ഒയായി സര്‍ക്കാര്‍ നിയമിച്ചിരിക്കുന്നത്.

സര്‍വകലാശാല നിയമനങ്ങളില്‍ നിലപാട് ആവര്‍ത്തിച്ച് ഗവര്‍ണര്‍ ആരിഫ് മുഹമ്മദ് ഖാന്‍. സര്‍വകലാശാല സ്വയംഭരണ അധികാരത്തില്‍ വെള്ളം ചേര്‍ക്കാന്‍ അനുവദിക്കില്ലെന്ന് ഗവര്‍ണര്‍ വ്യക്തമാക്കി. വിസി നിയമന ഭേദഗതിയില്‍ ഒപ്പിടുമോ എന്ന ചോദ്യത്തിന് താന്‍ ഒരു ബില്ലും കണ്ടിട്ടില്ലെന്നായിരുന്നു ഗവര്‍ണറുടെ പ്രതികരണം.