ബെംഗളൂരു: ജോലി - ജീവിത സന്തുലിതാവസ്ഥ അടിസ്ഥാന അവകാശമായി പ്രഖ്യാപിച്ചുകൊണ്ട് ബെംഗളൂരുവിൽ പ്രതിഷേധ സംഗമം നടത്തി. ഐടി ജീവനക്കാരുടെ സംഘടനയായ കെഐടിയുവിന്‍റെ നേതൃത്വത്തിലായിരുന്നു പ്രതിഷേധം. ഇൻഫോസിസിൽ നിന്നും ടെക്നി കളർ ഇന്ത്യയിൽ നിന്നും ആയിരക്കണക്കിന് ജീവനക്കാരെ ഒറ്റയടിക്ക് പിരിച്ച് വിട്ട നടപടിക്കെതിരെ നിയമപരമായി അടക്കം പ്രതിരോധം ശക്തമാക്കാൻ ഒരുങ്ങുകയാണിവർ. തൊഴിൽ സമയം ക്രമീകരിക്കുന്നതുൾപ്പടെ ലേബർ നിയമങ്ങളിൽ സമൂലമായ മാറ്റം കൊണ്ട് വരാനാണ് കെഐടിയുവിന്‍റെ ശ്രമം.