തൃശൂര്‍: തുല്യപഠന അവസരങ്ങള്‍ എല്ലാവര്‍ക്കും ലഭ്യമാക്കുക എന്ന ലക്ഷ്യത്തിന്റെ ഭാഗമായി ഗാന്ധി ജയന്തി ദിനത്തില്‍ ചാലക്കുടി എംപി ബെന്നി ബെഹ്നാന്‍ 127 സര്‍ക്കാര്‍ സ്‌കൂള്‍ വിദ്യാര്‍ത്ഥികള്‍ക്ക് ടാബ് ലറ്റുകള്‍ വിതരണം ചെയ്തു. ലോകത്തിലെ മുന്‍നിര എഡ്‌ടെക് കമ്പനിയായ ബൈജുസുമായി സഹകരിച്ചാണ് വിദ്യാര്‍ത്ഥികള്‍ക്ക് ടാബ്ലറ്റ് നല്‍കിയത്. ആറു മുതല്‍ 18 വയസു വരെയുള്ള വിദ്യാര്‍ത്ഥികള്‍ക്ക് ടാബിനോടൊപ്പം ബൈജൂസ് പഠനപരിപാടിയും സൗജന്യമായി നല്‍കി. 71 പെണ്‍കുട്ടികള്‍ക്കും 56 ആണ്‍കുട്ടികള്‍ക്കുമാണ് ടാബ് നല്‍കിയത്. എല്ലാവര്‍ക്കും വിദ്യാഭ്യാസം' എന്ന സാമൂഹിക സംരംഭങ്ങള്‍ക്കു കീഴില്‍ ബൈജുവിന്റെ തുടര്‍ച്ചയായ പരിശ്രമങ്ങള്‍ ശക്തിപ്പെടുത്തുന്നതിന്റെ ഭാഗമായി ഉയര്‍ന്ന നിലവാരമുള്ള ഡിജിറ്റല്‍ ടൂളുകളിലേക്കും പഠന അവസരങ്ങളിലേക്കും പ്രാപ്തിയില്ലാത്ത സമൂഹങ്ങളില്‍ നിന്നുള്ള കുട്ടികളുടെ കൂടി പങ്കാളിത്തം ഉറപ്പു വരുത്തുന്നതിനു കൂടിയാണ് പദ്ധതി. ഗണിതശാസ്ത്രത്തിനും ശാസ്ത്രത്തിനും വേണ്ടിയുള്ള ബൈജൂസ് പഠന പരിപാടികള്‍ പ്രാദേശിക ഭാഷകളിലാണ് ലഭ്യമാക്കിയത്.

ബൈജൂസുമായി സഹകരിച്ചു നടപ്പാക്കിയ വിദ്യാഭ്യാസ പരിപാടിഏറെ സന്തോഷം നല്‍കുന്നുണ്ടെന്ന് ബെന്നി ബെഹനാന്‍ എംപി ചടങ്ങില്‍ പറഞ്ഞു. രാജ്യത്തെ ദരിദ്രരായ വിദ്യാര്‍ത്ഥികളെ സംബന്ധിച്ചിടത്തോളം ദീര്‍ഘകാലമുള്ള മികച്ച വിദ്യഭ്യാസം വെല്ലുവിളിയാണ്. അതു പരിഹരിക്കാന്‍ ഓരോ കുട്ടിയ്ക്കും വിദ്യഭ്യാസം ലഭ്യമാകുന്നുണ്ടെന്ന് ഉറപ്പു വരുത്താനും നാം ഒന്നിയ്ക്കണം. ഇന്ത്യയിലെ വിദ്യഭ്യാസത്തിന്റെ മുഖച്ഛായ തന്നെ മാറിയിട്ടുണ്ട്. നൂതന ഓണ്‍ലൈന്‍ പഠന മാതൃകയിലൂടെ അതിന്റെ വ്യാപ്തി വര്‍ധിപ്പിക്കാനും സാധിച്ചിട്ടുണ്ട്. ടാബ്ലറ്റിലെ ഉള്ളടക്കം വിദ്യാര്‍ഥികള്‍ക്ക് മികച്ച അറിവ് ശേഖരിക്കുന്നതിനു പ്രാപ്തമാക്കുന്നുണ്ട്. ദരിദ്ര സമൂഹങ്ങളെ ഉയര്‍ത്തുന്നതിനുള്ള ദീര്‍ഘകാല കാഴ്ചപ്പാടിനിത് പദ്ധതി ഊര്‍ജ്ജം നല്‍കുന്നുണ്ടെന്നും ബെന്നി ബെഹനാന്‍ പറഞ്ഞു.

ഡിജിറ്റല്‍ സാങ്കേതികതയും വിദ്യഭ്യാസവും തമ്മിലുള്ള അന്തരം കുറച്ച് ഗുണനിലവാരമുള്ള പഠനം കുട്ടികളിലേയ്ക്ക് എത്തിക്കുകയാണ് തങ്ങളുടെ ലക്ഷ്യമെന്ന് സ്ഥാപകനും സിഇഒയുമായ ബൈജു രവീന്ദ്രന്‍ പറഞ്ഞു. 'എല്ലാവര്‍ക്കും വിദ്യാഭ്യാസം' എന്നതിലൂടെ, വിദ്യാഭ്യാസത്തില്‍ നല്ല മാറ്റങ്ങള്‍ വരുത്തുന്നതിന് സാങ്കേതികവിദ്യയെ പരമാവധി ഉപയോഗിക്കുകയും വിദ്യാര്‍ത്ഥികള്‍ക്കത് പ്രയോജനപ്പെടുത്തുകയും ചെയ്യുന്നതിനാണ് ഞങ്ങള്‍ ആഗ്രഹിക്കുന്നത്. ഒരു വര്‍ഷത്തിനിടയില്‍, വിദൂര സ്ഥലങ്ങള്‍ ഉള്‍പ്പെടെ 100 ജില്ലകളിലുടനീളം 26 സംസ്ഥാനങ്ങളിലെ 19 ലക്ഷം കുട്ടികളുടെ ജീവിതത്തെ ഞങ്ങള്‍ സ്വാധീനിച്ചു. ബെന്നി ബെഹനാനുമായുള്ള ഉദാത്തമായ പരിശ്രമത്തിനായുള്ള ഞങ്ങളുടെ ബന്ധം ആ ദിശയിലുള്ള ഒരു സുപ്രധാന ചുവടുവയ്പ്പാണെന്നും അദ്ദേഹം പറഞ്ഞു.

ലോകബാങ്ക് 2020 റിപ്പോര്‍ട്ട് അനുസരിച്ച്, കോവിഡ് -19 കാരണം അഞ്ച് മാസത്തെ സ്‌കൂള്‍ അടച്ചുപൂട്ടലിന് 0.6 വര്‍ഷത്തെ സ്‌കൂള്‍ വിദ്യാഭ്യാസം ഉടനടി നഷ്ടപ്പെട്ടു, ഫലപ്രദമായ പഠനത്തിന്റെ വ്യാപ്തി 7.9 വര്‍ഷത്തില്‍ നിന്ന് 7.3 വര്‍ഷമായി കുറഞ്ഞു. പകര്‍ച്ചവ്യാധി യാഥാര്‍ഥ്യത്തില്‍ സാങ്കേതികവിദ്യയിലൂടെ വിദ്യാഭ്യാസ സമ്പ്രദായം മെച്ചപ്പെടുത്താനുള്ള ആവശ്യവും അവസരവും സൃഷ്ടിച്ചു, ഇത് ശേഷി വര്‍ദ്ധിപ്പിക്കല്‍, ഉള്‍ക്കൊള്ളല്‍, ഗുണനിലവാര പഠനം എന്നിവയുടെ ഒരു പ്രധാന ഉപകരണമായി മാറിയിട്ടുണ്ട്. ഇന്ത്യയിലെ ആദിവാസി മേഖലകളിലും ഉള്‍പ്രദേശങ്ങളിലും ഗ്രാമപ്രദേശങ്ങളിലും സാങ്കേതികവിദ്യയിലേക്കുള്ള പ്രവേശനം ഇപ്പോഴും ഒരു വെല്ലുവിളിയാണ്.

2020 ല്‍ ആരംഭിച്ച 'എല്ലാവര്‍ക്കും വിദ്യാഭ്യാസം' എന്നത് വിദ്യാഭ്യാസത്തെ ജനാധിപത്യവല്‍ക്കരിക്കാനും ഓരോ കുട്ടിക്കും പഠിക്കാന്‍ അവസരമുണ്ടെന്ന് ഉറപ്പുവരുത്തുന്നതിനുമായി 2020ല്‍ ആരംഭിച്ച ബൈജൂസിന്റെ മുന്‍നിര ജീവകാരുണ്യ പദ്ധതിയാണ്. ടെക്-ഡ്രൈവ്ഡ് പഠനത്തിലൂടെ എത്ര താഴേയ്ക്കിടയിലുള്ള സമൂഹങ്ങളിലെ കുട്ടികളെയും ശാക്തീകരിക്കാന്‍ പ്രോഗ്രാം പ്രതിജ്ഞാബദ്ധമാണ്. 2025 ആകുമ്പോഴേക്കും 5 ദശലക്ഷം പിന്നാക്കം നില്‍ക്കുന്ന കുട്ടികളെ ശാക്തീകരിക്കുക എന്ന ലക്ഷ്യത്തോടെ, കമ്പനി 23 സംസ്ഥാനങ്ങളിലായി 55 എന്‍ജിഒകളുമായി സഹകരിച്ച് വിദ്യാഭ്യാസ മേഖലയില്‍ ഒരു നല്ല വ്യവസ്ഥാപിതമായ മാറ്റം കൊണ്ടുവരുന്നുണ്ടെന്നും ബൈജു രവീന്ദ്രന്‍ പറഞ്ഞു.