കൊച്ചി: നോക്കിയ ഫോണുകളുടെ നിര്‍മാതാക്കളായ എച്ച്എംഡി ഗ്ലോബല്‍ തങ്ങളുടെ ഏറ്റവും പരിസ്ഥിതി സൗഹൃദ സ്മാര്‍ട്ട്ഫോണായ നോക്കിയ എക്സ്30 5ജി അവതരിപ്പിച്ചു. ഫോണിന്‍റെ പ്രകടനത്തില്‍ യാതൊരു വിട്ടുവീഴ്ചയും വരുത്താതെ 100 ശതമാനം റീസൈക്കിള്‍ ചെയ്ത അലുമിനിയം ഫ്രെയിമും 65 ശതമാനം റീസൈക്കിള്‍ ചെയ്ത പ്ലാസ്റ്റിക് ബാക്കും ഉപയോഗിച്ചാണ് ഫോണ്‍ നിര്‍മിച്ചിരിക്കുന്നത്.

വാമനപുരം മണ്ഡലത്തിലെ വില്ലേജ് ഓഫീസുകള്‍ക്കുള്ള കമ്പു്യൂട്ടറുകളുടെയും അനുബന്ധ ഉകരണങ്ങളുടെയും വിതരണോദ്ഘാടനം ഡി.കെ മുരളി എം എല്‍ എ നിര്‍വഹിച്ചു. എം എല്‍ എയുടെ ആസ്തി വികസനഫണ്ട് ഉപയോഗിച്ചാണ് ഉപകരണങ്ങള്‍ വാങ്ങിയത്.

മുംബൈ: ഇലക്ട്രിക് വെഹിക്കിൾ ആൻഡ് ടെക്‌നോളജി കമ്പനിയും പിനാക്കിൾ ഇൻഡസ്ട്രീസ് ലിമിറ്റഡിന്റെ ഉപസ്ഥാപനവുമായ ഇകെഎ മൊബിലിറ്റിക്ക് ഇലക്ട്രിക് വാഹനങ്ങളുടെ സംഭരണത്തിനും പ്രവർത്തനത്തിനും അറ്റകുറ്റപ്പണികൾക്കുമായി ഒരു ലെറ്റർ ഓഫ് അലോട്ട്‌മെന്റ് (എൽഒഎ) കൺവെർജൻസ് എനർജി സർവീസസ് ലിമിറ്റഡിൽ നിന്നും 310 ഇലക്ട്രിക് ബസുകൾക്കുള്ള അലോട്ട്മെന്റ് ലഭിച്ചു.

ഇ-നിയമസഭ ആപ്ലിക്കേഷന്റെ ഒന്നാം ഘട്ടം ഉദ്ഘാടനം ഇന്ന് വൈകുന്നേരം (2023 ഫെബ്രുവരി 08, ബുധനാഴ്ച) നിയമസഭാ മന്ദിരത്തിലെ ആര്‍. ശങ്കരനാരായണന്‍ തമ്പി മെമ്പേഴ്സ് ലോഞ്ചില്‍ ബഹു. മുഖ്യമന്ത്രി ശ്രീ. പിണറായി വിജയന്‍ നിര്‍വഹിച്ചു. ബഹു. നിയമസഭാ സ്പീക്കര്‍ ശ്രീ. എ.എന്‍. ഷംസീര്‍ അധ്യക്ഷത വഹിച്ച ചടങ്ങില്‍ ബഹു. ഡെപ്യൂട്ടി സ്പീക്കര്‍ ശ്രീ. ചിറ്റയം ഗോപകുമാര്‍ സ്വാഗതം ആശംസിച്ചു. ബഹു. ഗവ ചീഫ് വിപ്പ് ഡോ. എന്‍. ജയരാജ്, ശ്രീ. ഇ. ചന്ദ്രശേഖരന്‍ എം.എല്‍.എ. നിയമസഭാ സെക്രട്ടറി എ എം ബഷീർ എന്നിവര്‍ ആശംസകൾ അർപ്പിച്ചു.