കൊച്ചി: സംസ്ഥാനത്ത് പകൽ താപനില ക്രമാതീതമായി ഉയരുന്നതിനാൽ വെയിലത്ത് പണിയെടുക്കുന്ന തൊഴിലാളികളുടെ ജോലി സമയം പുന:ക്രമീകരിച്ചത് മെയ് 15 വരെ നീട്ടി ലേബർ കമ്മീഷണർ കെ.ബിജു ഉത്തരവായി. സൂര്യാഘാതം ഏൽ ക്കാതിരിക്കാൻ പരാമാവധി ജാഗ്രത പുലർത്തണം പകൽ ഷിഫ്റ്റിൽ ജോലി ചെയ്യുന്നവർക്ക് ഉച്ചയ്ക്ക് പതിനൊന്ന് മുതൽ മൂന്ന് വരെ വിശ്രമവേളയായിരിക്കും. ഇവരുടെ ജോലി സമയം രാവിലെ ആറ് മുതൽ വൈകീട്ട് ഏഴ് വരെയുളള സമയത്തിനുളളിൽ എട്ട് മണിക്കൂറായി നിജപ്പെടുത്തണം. രാവിലെയും ഉച്ചയ്ക്ക് ശേഷമുളള ഷിഫ്റ്റുകളിലെ ജോലി സമയം യഥാക്രമം ഉച്ചയ്ക്ക് 11 ന് അവസാനിക്കുകയും വൈകീട്ട് മൂന്നിന് ആരംഭിക്കുകയും ചെയ്യും.1958 ലെ കേരള മിനിമം വേതന ചട്ടം 24(3) പ്രകാര മുള്ള ഉത്തരവിൽ ജില്ലാ ലേബർ ആഫീസർമാർ തൊഴിലിടങ്ങളിൽ നേരിട്ട് പരിശോധന നടത്തി റിപ്പോർട്ട് നൽകാൻ കമ്മീഷണർ കർശന നിർദേശം നൽകിയിട്ടുണ്ട്. തൊഴിൽ സംബന്ധമായ പരാതികൾ 180042555214, 155214 എന്നീ ടോൾ ഫ്രീ നമ്പരുകളിൽ രാവിലെ 7 മുതൽ വൈകീട്ട് 7 വരെ അറിയിക്കാം.
|
