Malayalam Font |  Feedback |  Contact Us |  Sign In 
സിനിമ വിദ്യാഭ്യാസം വിദേശം തൊഴില്‍വാ൪ത്ത നിയമകാരൃം നിയമസഭ രാഷ്ട്രീയം പുസ്തകാഭിപ്രായം കായികം കൂടുതല്‍
FLASH NEWS
ബാഡ്ജ് ഓഫ് ഓണർ ബഹുമതി വിതരണം ചെയ്തു വിരമിച്ച ബാങ്ക് ജീവനക്കാർ അവകാശ ദിന മാചരിക്കുന്നു അമൃതപുരി ആശ്രമത്തിൽ ഗുരുപൂർണിമ ദിനാഘോഷം തൊഴിലും നൈപുണ്യവും വകുപ്പു മന്ത്രി ടി പി രാമകൃഷ്ണന്‍ യുകെയില്‍; നഴ്‌സ് റിക്രൂട്ട്‌മെന്റ് കരാര്‍ ഒപ്പിട്ടു കഴക്കൂട്ടം ഗവ.ഹയര്‍ സെക്കന്‍ഡറി സ്കൂളിന്റെ വികസനo രണ്ടാം ഘട്ട ഉദ്ഘാടനം മന്ത്രി കടകം പള്ളി സുരേന്ദ്രന്‍ നിര്‍വഹിച്ചു

അറിയിപ്പുകള്‍

കൂടുതല്‍ 

കെ.ആര്‍.നാരായണന്‍ സാഹചര്യങ്ങളോടു പൊരുതിയ വ്യക്തിത്വം

8/11/2018

മലയാളത്തിന്റെ യശസ്സ് വിശ്വമാകെ പടര്‍ത്തിയ സാര്‍വ്വഭൗമനാണ് അന്തരിച്ച മുന്‍ രാഷ്ട്രപതികെ. ആര്‍.നാരായണന്‍. വരും തലമുറകള്‍ക്കു വിസ്മയം ജനിപ്പിക്കുന്ന കാല്‍പടങ്ങള്‍ ബാക്കിയാക്കി യാണ് അദ്ദേഹം വിടവാങ്ങിയത്. ജീവിത സാഹചര്യങ്ങള്‍, കര്‍മ്മമണ്ഡലങ്ങളുടെ വ്യാപ്തി,പൊതു ജനാഭിപ്രായം തുടങ്ങി ഏത് അളവുകോല്‍ ഉപയോഗിച്ചു അളന്നാലും നാരായണന്‍ കേരളീയരുടെ അഭിമാനസ്തംഭമായി എക്കാലവും നിലകൊള്ളും.

നയതന്ത്രം, വിദ്യാഭ്യാസം, പത്രപ്രവര്‍ത്തനം, രാഷ്ട്രീയം തുടങ്ങിയ മേഖലകളിലെല്ലാം കെ.ആര്‍. നാരായണന്‍ മായാത്ത വ്യക്തിമുദ്ര പതിപ്പിച്ചു. ഇന്ത്യയുടെ പരമോന്നത പദവിയായ രാഷ്ട്രപതി സ്ഥാനത്തെ ഏറ്റവും സാര്‍ത്ഥകമാക്കിയ വ്യക്തികളില്‍ ഒരാള്‍ കെ.ആര്‍. നാരായണനാണെന്ന് അര്‍ത്ഥശങ്കക്കിടയില്ലാതെ പറയാം. നാരായണന്‍ ഇന്ത്യയുടെ പരമോന്നത പദവിയില്‍ അവരോധി ക്കപ്പെട്ടപ്പോള്‍ അത് ഒരുഗാന്ധിയന്‍സ്വപ്നത്തിന്റെസാക്ഷാത്ക്കാരമായിവാഴ്ത്തപ്പെട്ടത് സ്വഭാവികം.

സംഭവബഹുലമായിരുന്നു നാരായണന്റെ അഞ്ചുവര്‍ഷം. രാജ്യം ഒരുപാട് പ്രതിസന്ധികളെ നേരി ട്ടു. കഷ്ടനഷ്ടങ്ങള്‍ ഏറെയുണ്ടായി. അടിപതറാന്‍ കൈവന്ന അവസരങ്ങള്‍ പലതാണ്. അവയില്‍ ചിലതൊക്കെ നമ്മുടെ ജനാധിപത്യ പാരമ്പര്യത്തിന്റെ കടയ്ക്കല്‍ കത്തി വയ്ക്കാന്‍ പോന്നതുമാ യിരുന്നു. പക്ഷേ, രാഷ്ട്രപതിയായിരുന്ന കെ. ആര്‍. നാരായണന്‍ പതറിയില്ല. പലപ്പോഴും അസാ മാന്യമായ ധൈര്യം പ്രകടിപ്പിക്കുകയും ചെയ്തു. രാഷ്ട്രപതി സ്ഥാനം റബര്‍ സ്റ്റാമ്പു പോലെയുള്ള ഒന്നല്ല എന്ന് അദ്ദേഹം തന്റെ പ്രവര്‍ത്തികളിലൂടെ തെളിയിച്ചു. അതുകൊണ്ടുതന്നെ തലയുയര്‍ ത്തി പ്പിടിച്ച് രാഷ്ട്രപതിഭവന്റെ പടിയിറങ്ങാനും അദ്ദേഹത്തിനു കഴിഞ്ഞു.

പ്രതികൂല സാഹചര്യങ്ങളോട് പൊരുതി, സമൂഹത്തിന്റെ അടിത്തട്ടില്‍ നിന്ന് ഉയര്‍ന്നുവന്നവ്യക്തി ത്വമായിരുന്നു ഉഴവൂര്‍ കോച്ചേരില്‍ വീട്ടില്‍ രാമന്‍ വൈദ്യന്‍ മകന്‍ കോച്ചേരില്‍ രാമന്‍ നാരാ യണന്‍ എന്ന കെ. ആര്‍. നാരായണന്‍. ഒന്നാം റാങ്കോടെ ബി.എ.(ഓണേഴ്‌സ്) പാസായിട്ടും അര്‍ ഹമായ ലക്ചറര്‍ പദവി നല്‍കാതെ ഗുമസ്തപണി വെച്ചുനീട്ടിയ ദിവാന്‍ ഭരണത്തോടുള്ള പ്രതിഷേ ധമായി ട്യൂട്ടോറിയല്‍ കോളജില്‍ പഠിപ്പിച്ച നാരായണന്‍ പില്‍ക്കാലത്ത് ജവഹര്‍ലാല്‍ നെഹ്‌റു യൂണിവേഴ്‌സിറ്റിയുടെ വൈസ് ചാന്‍സിലറായി ഉയര്‍ന്നത് പരീക്ഷണഘട്ടങ്ങളെ മനക്കരുത്തോടെ നേരിടാനുള്ള കഴിവുകൊണ്ടായിരുന്നു. പഠിക്കാനുള്ള മിടുക്കിലൂടെ നേടിയ സ്‌കോളര്‍ ഷിപ്പുക ളാണ് അദ്ദേഹത്തെ ലണ്ടനിലെ സ്‌കൂള്‍ ഓഫ് ഇക്കണോമിക്‌സില്‍ എത്തിച്ചത്. അവിടെ ഗുരുവാ യിരുന്ന ലോക പ്രശസ്ത രാജ്യതന്ത്രജ്ഞന്‍ ഹരോള്‍ഡ് ജോസഫ് ലാസ്‌കിയുടെ താത്പര്യമാണ് നാരാ യണന് പ്രധാനമന്ത്രി നെഹ്‌റുവുമായി പരിചയപ്പെടാനും നയതന്ത്രരംഗത്തേയ്ക്ക് കടന്നുചെല്ലാനും വഴി ഒരുക്കിയത്.

കറപുരളാത്ത പൊതുജീവിതവും നട്ടെല്ലുവളയ്ക്കാത്ത വ്യക്തിത്വവുമായിരുന്നു നാരായണന്റെ ഏറ്റവും വലിയ നേട്ടങ്ങള്‍. രാഷ്ട്രത്തിന്റെ മന:സാക്ഷിയും തന്റെ മന:സാക്ഷിയും രണ്ടല്ലെന്നു തെളിയിക്കേണ്ട ഘട്ടങ്ങളില്‍ തല ഉയര്‍ത്തിപ്പിടിച്ച്, ധീരമായി ഇടപെടാനുള്ള ചങ്കൂറ്റം പ്രകടിപ്പിച്ച രാഷ്ട്രപതിയായിരുന്നു നാരായണന്‍. പരിമിതമായ അധികാരത്തിന്റെ പരിധിക്കുള്ളില്‍ നിന്നു കൊണ്ട് ഭരണകൂടത്തിന്റെ തെറ്റുകളെയും തെറ്റിലേക്കുള്ള നീക്കങ്ങളെയും തിരുത്തിക്കുവാന്‍ രാഷ്ട്രപതിക്ക് കഴിയുമെന്ന് കെ. ആര്‍. നാരായണന്‍ അസന്നിഗ്ധമായി തെളിയിച്ചിട്ടുണ്ട്. ഭരണ ഘടനയുടെ നാലതിരുകള്‍ക്കുള്ളില്‍ പ്രവര്‍ത്തിക്കുന്ന ഒരു രാഷ്ട്രപതിയാണ് എന്നും നാരായണന്റെ സങ്കല്‍പ്പത്തിലുണ്ടായിരുന്നത്.

ഇന്ത്യയുടെ രാഷ്ട്രപതിമാര്‍ പൊതുതെരഞ്ഞെടുപ്പുകളില്‍ സമ്മതിദാനം വിനിയോഗിക്കാറില്ലായി രുന്നു. രാജ്യത്തെ പരമോന്നത പദവിയിലിരിക്കുന്ന ഒരാളെന്ന നിലയില്‍ ഇവിടുത്തെ മറ്റേതൊരു പൗരനെയും പോലെ വോട്ടവകാശം പ്രയോഗിക്കാനുള്ള ബാധ്യത രാഷ്ട്രപതിയുണ്ടെന്നു നാരായ ണന്‍ മനസിലാക്കി. അതു നിറവേറ്റാതിരിക്കുന്നത് രാഷ്ട്രപതി പദവിയെ തന്നെ നിരാകരിക്കുന്ന തിനു തുല്യമാണെന്നു വ്യക്തമാക്കിയ കെ. ആര്‍.നാരായണന്‍ കീഴ് വഴക്കങ്ങള്‍ ലംഘിച്ചുകൊണ്ട് സമ്മതിദാന അവകാശം വിനിയോഗിച്ച ആദ്യ രാഷ്ട്രപതിയായി.

നാട്ടിലെ സ്‌കൂള്‍ വിദ്യാഭ്യാസത്തിനു ശേഷം ഉന്നത വിദ്യാഭ്യാസത്തിനായി തിരുവനന്തപുരത്തെ ത്തി. ബി.എ. ഓണേഴ്‌സ് ഒന്നാം ക്ലാസില്‍ ഒന്നാം റാങ്ക് നേടിയ നാരായണന്‍ അര്‍ഹതപ്പെട്ട ഉദ്യോഗം ലഭിക്കാതെ വന്നതോടെ തിരുവനന്തപുരം വൈ.എം.സി.എ. ട്യൂട്ടോറിയല്‍ കോളജില്‍ അധ്യാപകന്‍, യൂണിവേഴ്‌സിറ്റി ഓഫീസില്‍ ഗുമസ്തന്‍ തുടങ്ങിയ ജോലികളില്‍ ഏര്‍പ്പെട്ടു. 1943ല്‍ 23ാം വയസില്‍ ഡല്‍ഹിക്കു തിരിച്ചു. അവിടെ ഇന്ത്യന്‍ ഓവര്‍സീസ് വകുപ്പില്‍ 250 രൂപാ വേതന ത്തില്‍ ജോലി ലഭിച്ചു. പത്രപ്രവര്‍ത്തകനാകാനുള്ള താത്പര്യംമൂലം പ്രശസ്ത പത്രാധിപരായിരുന്ന ലങ്കാസുന്ദരത്തിന്റെ പത്രത്തില്‍ നൂറു രൂപാ ശമ്പളത്തില്‍ ജോലിക്കു കയറി. കൂടിയ ശമ്പളം ഉപേക്ഷിച്ചു കുറഞ്ഞ ശബളത്തില്‍ ജോലി ചെയ്തതിനെക്കുറിച്ച് നാരായണന്‍ പിന്നീട് പറഞ്ഞത് പത്രപ്രവര്‍ത്തനം ഒരാവേശമായിരുന്നു എന്നായിരുന്നു.

ഇതിനിടെ വിദേശ പീനത്തിന് ടാറ്റ പ്രതിവര്‍ഷം നല്‍കുന്ന 25,000 രൂപയുടെ സ്‌കോളര്‍ഷിപ്പ് മൂന്ന് വര്‍ഷത്തേയ്ക്ക് സ്‌കോളര്‍ഷിപ്പ് നാരായണനു ലഭിച്ചു. ഒപ്പം ഹിന്ദു ദിനപത്രത്തിന്റെ സഹാ യവും ലഭ്യമായി. എന്നാല്‍ രണ്ടാം ലോകമഹായുദ്ധം യാത്രയ്ക്കു തടസ്സസമായി. ഇതിനിടെ മഹാ ത്മാാഗാന്ധിയുമായി ടൈംസ് ഓഫ് ഇന്ത്യയ്ക്ക് വേണ്ടി അഭിമുഖം നടത്തി.

യുദ്ധം അവസാനിച്ചതോടെ 1945ല്‍ ലണ്ടന്‍ സ്‌കൂള്‍ ഓഫ് ഇക്കണോമിക്‌സില്‍ ചേര്‍ന്നു. ഉന്നത ബിരുദവും പ്രൊഫസര്‍ ലാസ്‌കിയുടെ കത്തുമായി 1948ല്‍ നാരായണന്‍ ഇന്ത്യയില്‍ തിരിച്ചെത്തി. ലാസ്‌കി നല്‍കിയ കത്ത് നെഹ്‌റുവിനെ കാണിച്ചു. തുടര്‍ന്നു 1949ല്‍ വിദേശകാര്യ സര്‍വീസില്‍ നാരായണന്‍ പ്രവേശിച്ചു. ആദ്യ നിയമനം ബര്‍മ്മയുടെ തലസ്ഥാനമായ റങ്കൂണിലെ ഇന്ത്യന്‍ എംബസിയിലെ രണ്ടാം സെക്രട്ടറി പദത്തിലേയ്ക്കായിരുന്നു. അവിടെ വച്ചു പരിചയപ്പെട്ട മാടിന്റ ടിന്റ എന്ന യുവതിയുമായി പ്രണയത്തിലാകുകയും അവരെ 1951ല്‍ വിവാഹം കഴിയ്ക്കുകയും ചെയ്തു. പിന്നീട് അവര്‍ ഉഷ എന്ന ഭാരതീയ നാമം സ്വീകരിച്ചു. ഇവര്‍ക്ക് രണ്ടു പെണ്‍കുട്ടികള്‍ ജനിച്ചു. ചിത്രയും അമൃതയും. ചിത്ര ഇന്‍ഡ്യന്‍ അംബാസിഡറും അമൃത അമേരിക്കയിലുമാണ്.

ജപ്പാന്‍, ബ്രിട്ടന്‍, വിയറ്റ്‌നാം, ആസ്‌ട്രേലിയ തുടങ്ങിയ രാജ്യങ്ങളില്‍ സേവനമനുഷ്ഠിച്ച നാരായ ണന്‍ തായ്‌ലാന്റ്, ടര്‍ക്കി, ചൈന, അമേരിക്ക എന്നിവിടങ്ങളില്‍ ഇന്ത്യന്‍ അംബാസിഡറായി പ്രവര്‍ത്തിച്ചിട്ടുണ്ട്. 1978 ജനതാ ഭരണകാലത്താണ് ജവഹര്‍ലാല്‍ നെഹ്‌റു സര്‍വ്വകലാശാലയുടെ വൈസ് ചാന്‍സിലറായി നാരായണനെ നിയമിച്ചത്.

1984ല്‍ രാജീവ്ഗാന്ധി ഒറ്റപ്പാലം മണ്ഡലത്തില്‍ കോണ്‍ഗ്രസ് സ്ഥാനാര്‍ത്ഥിയായി മത്സരിപ്പിച്ചു.തെര ഞ്ഞെടുപ്പു വേളയില്‍ നാരായണനു മുണ്ടുടുക്കാനറിയില്ലെന്ന പ്രചാരണത്തെ മുണ്ടുടുക്കാന്‍ മാത്ര മല്ല, മുണ്ടു മുറുക്കിയുടുക്കാനും ശീലമുണ്ടെന്നു പറഞ്ഞാണ് അദ്ദേഹം നേരിട്ടത്. ഒറ്റപ്പാലത്തു നിന്നും മൂന്നു തവണ വിജയിച്ച നാരായണന്‍ 1985ലെ രാജീവ് മന്ത്രിസഭയില്‍ അസൂത്രണ വകു പ്പിലും വിദേശകാര്യ വകുപ്പിലും സഹമന്ത്രിയായി. ഇക്കാലത്താണ് കേരളത്തിനുള്ള കേന്ദ്ര വിഹി തം 20 കോടിയില്‍നിന്നും 280 കോടിയായി ഉയര്‍ത്തിയത്. 86ല്‍ ശാസ്ത്ര സാങ്കേതിക വകുപ്പും കൈകാര്യം ചെയ്തു.

1992ല്‍ ഉപരാഷ്ട്രപതിയായി തെരഞ്ഞെടുക്കപ്പെട്ടു. 1997 ജൂലൈ 25ന് ഇന്ത്യയുടെ പത്താമത്തെ രാഷ്ട്രപതിയായി അധികാരമേറ്റു. സുപ്രീംകോടതി ചീഫ് ജസ്റ്റീസ് ജെ.എസ്.വര്‍മ്മ സത്യവാചകം ചൊല്ലിക്കൊടുത്തു. രാഷ്ട്രപതി സ്ഥാനത്തിന്റെ അന്തസുയര്‍ത്തിപ്പിടിച്ചുകണ്ട് 2002 ജൂലൈ 24ന് രാഷ്ട്രപതി സ്ഥാനത്തു നിന്നും കെ.ആര്‍.നാരായണന്‍ വിരമിച്ചു.

2005 നവംബര്‍ 9 ന് അദ്ദേഹം നിത്യതയിലേയ്ക്ക് പറന്നുയര്‍ന്നപ്പോള്‍ ഇവിടെ അവശേഷിപ്പിച്ചു പോയ ഒരു ചരിത്രമുണ്ട്. എളിമയുടെയും ലാളിത്യത്തിന്റെയും സമാനതകളില്ലാത്ത ജീവചരിത്രം.

അധികാരത്തിന്റെ പുറമ്പോക്കില്‍ പോലും സ്ഥാനമില്ലാതിരുന്നവരുടെ പ്രതിനിധി പ്രഥമ പൗരനാ യി മാറിയ കഥ കൂടിയാണ് കെ.ആര്‍. നാരായണന്റത്. രാഷ്ട്രപതിമാരിലെ ഏക മലയാളിയുടേ തും. എന്നാല്‍ അദ്ദേഹത്തിന് അര്‍ഹമായ ആദരവ് നല്‍കാന്‍ അദ്ദേഹം മരണമടഞ്ഞ് ഒരു വ്യാഴ വട്ടക്കാലം കഴിഞ്ഞിട്ടും മലയാളിക്ക് കഴിഞ്ഞിട്ടില്ല എന്നത് ദുഃഖകരമായ വസ്തുതയാണ്. താന്‍ എവിടെയായിരുന്നാലും ഒരു മലയാളിയായി അറിയപ്പെടാനായിരുന്നു അദ്ദേഹം എപ്പോഴും ആഗ്ര ഹിച്ചിരുന്നത്. കെ.ആര്‍. നാരായണന്‍ കടന്നു പോയ അതിജീവനത്തിന്റെ കാല്‍പാടുകള്‍ തല മുറകള്‍ക്ക് പ്രചോദനമാവാന്‍ അദ്ദേഹത്തിനു ഉചിതമായ സ്മാരകങ്ങള്‍ ഇനിയും ഉണ്ടാവേണ്ടിയി രിക്കുന്നു.

എബി ജെ. ജോസ് ചെയര്‍മാന്‍ കെ.ആര്‍. നാരായണന്‍ ഫൗണ്ടേഷന്‍ പാലാ 686575 ഫോണ്‍: 9447702117 e-mail : ebyjjose@gmail.com


നിങ്ങളുടെ അഭിപ്രായം രേഖപ്പെടുത്തുക
പേര്
അഭിപ്രായം



ഡോംഗ്രി മേഖലയിൽ ഒരു നൂറ്റാണ്ടിലേറെ പഴക്കമുള്ള നാലുനില കെട്ടി ടം തകർന്ന‌് സ‌്ത്രീയടക്കം 10 പേർ മരിച്ചു

മുംബൈ: മുംബൈയിലെ ഡോംഗ്രി മേഖലയിൽ ഒരു നൂറ്റാണ്ടിലേറെ പഴക്കമുള്ള നാലുനില കെട്ടി ടം തകർന്ന‌് സ‌്ത്രീയടക്കം 10 പേർ മരിച്ചു. അമ്പതോളം പേർ കുടുങ്ങിക്കിടക്കുന്നതായിസംശയിക്കു ന്നു. അബ്ദുൾ ഹാമിദ‌് ദർഗയിൽ ചൊവ്വാഴ‌്ച പകൽ പതിനൊന്നരയോടെയാണ‌് അപകടം.മുഹമ്മദലി റോഡി...തുട൪ന്ന് വായിക്കുക


എ വിഷൻ ഫോർ ഹയർ എഡ്യൂക്കേഷൻ റിഫോം

കൊച്ചി: ഡി ധനുരാജ്, രാഹുൽ വി കുമാർ എന്നിവർ എഡിറ്റുചെയ്ത എ വിഷൻ ഫോർ ഹയർ എഡ്യൂക്കേഷൻറിഫോം എന്ന പുസ്തകത്തിന്റെ പ്രകാശനം ജൂലൈ 17, 2019 ന് വൈകുന്നേരം 5: 30 ന് കാക്കനാട് രാജഗിരി സ്കൂൾഓഫ് എഞ്ചിനീയറിംഗ് ആൻഡ് ടെക്നോളജിയിൽ നടക്കും. എം പി ജോസഫ്, ഐഎഎസ് (റിട്ട.) ...തുട൪ന്ന് വായിക്കുക


ബാങ്ക് ദേശസാൽക്കരണത്തിന്റെ അമ്പതാം വാർഷികം-വിരമിച്ച ബാങ്ക് ജീവനക്കാർ അവകാശ ദിന മാചരിക്കുന്നു

തിരു:ബാങ്ക് ദേശസാൽക്കരണത്തിന്റെ അമ്പതാം വാർഷിക ദിനമായ ജൂലൈ 19 ന് രാവിലെ 10.30 ന് വിരമിച്ച ജീവനക്കാരുടെ വിവിധ സംഘടനകളുടെ കൂട്ടായ്മയുടെ നേതൃത്വത്തിൽ പെൻഷൻ പരി ഷ്ക്കരണമുൾപ്പെടെയുള്ള വിവിധ ആവശ്യങ്ങൾ അംഗീകരിക്കണമെന്നാവശ്യപ്പെട്ടുകൊണ്ട് വിജെടി ഹാൾ ജംഗ്ഷനിൽ...തുട൪ന്ന് വായിക്കുക


തൊഴിലും നൈപുണ്യവും വകുപ്പു മന്ത്രി ടി പി രാമകൃഷ്ണന്‍ യുകെയില്‍; നഴ്‌സ് റിക്രൂട്ട്‌മെന്റ് കരാര്‍ ഒപ്പിട്ടു

(ഫോട്ടോ കാപ്ഷന്‍:മന്ത്രി ടി.പി രാമകൃഷ്ണന്റെ നേതൃത്വത്തില്‍ യു കെ സന്ദര്‍ശിക്കുന്ന ഉന്നത തല സംഘം ഒഡെപെക് മുഖേന യു കെയിലേക്ക് നഴ്‌സുമാരെ റിക്രൂട്ട് ചെയ്യുന്നതു സംബന്ധിച്ച കരാര്‍ ഒപ്പിട്ടപ്പോള്‍. ഒഡെപെക് ചെയര്‍മാന്‍ എന്‍ ശശിധരന്‍ നായര്‍, അഡീഷണല്‍ ചീഫ് ...തുട൪ന്ന് വായിക്കുക


കേരള ടൂറിസത്തിന് മൂന്ന് രാജ്യാന്തര ഗോള്‍ഡന്‍ പുരസ്‌കാരം

തിരു: ടൂറിസം രംഗത്തെ രാജ്യാന്തര ബഹുമതിയായ പസഫിക് ഏഷ്യ ട്രാവല്‍ അസോസിയേഷ ന്റെ മൂന്ന് ഗോള്‍ഡന്‍ പുരസ്‌കാരങ്ങള്‍ കേരള ടൂറിസത്തിന് ലഭിച്ചു. ടൂറിസംരംഗത്ത് സ്ത്രീശാക്തീ കരണത്തിന് വേണ്ടി ഉത്തരവാദിത്ത ടൂറിസം മിഷന്‍ കുമരകത്ത് നടപ്പിലാക്കിയ പദ്ധതികള്‍ക്കും അ...തുട൪ന്ന് വായിക്കുക


ജോയ് ആലുക്കാസ് ഫൗണ്ടേഷന്റെ കാരുണ്യ പ്രവര്‍ത്തനം രാജ്യത്തിന് മാതൃക

(ഫോട്ടോ ക്യാപ്ഷന്‍: ജോയ് ആലുക്കാസ് ഫോണ്ടേഷന്റെ തിളക്കം പദ്ധതി കേരള വികലാംഗ കോര്‍പ്പറേഷന്‍ ചെയര്‍മാന്‍ അഡ്വ. പരശുവെയ്ക്കല്‍ മോഹനന്‍ ഉദ്ഘാടനം ചെയ്യുന്നു. ജോളി ജോയ് ആലുക്കാസ്, സംഗീത സംവിധായകന്‍ അല്‍ഫോന്‍സ് ജോസഫ്, വികലാംഗ ക്ഷേമ കോര്‍ പ്പറേഷന്‍ ഡയറക്ടര്‍ ...തുട൪ന്ന് വായിക്കുക


അപ്പീലുകളുടെ ഡാറ്റ എന്‍ട്രി യുദ്ധകാലാടിസ്ഥാനത്തില്‍ പൂര്‍ത്തിയാക്കാന്‍ എറണാകുളം ജില്ലാ കളക്ടറുടെ നിര്‍ദ്ദേശം

കാക്കനാട്: പ്രളയപുനഃനിര്‍മാണപ്രവര്‍ത്തനങ്ങളുമായി ബന്ധപ്പെട്ട് വീണ്ടും സ്വീകരിച്ച അപ്പീലുകളു ടെ ഡാറ്റ എന്‍ട്രി നടപടികള്‍ യുദ്ധകാലാടിസ്ഥാനത്തില്‍ പൂര്‍ത്തിയാക്കാന്‍ എറണാകുളം ജില്ലാ കളക്ടര്‍ എസ്.സുഹാസ് നിര്‍വ്വഹണ ഉദ്യോഗസ്ഥരോട് ആവശ്യപ്പെട്ടു. വിവരശേഖരണ...തുട൪ന്ന് വായിക്കുക


സർഫാസി നിയമം; നിയമസഭാ സമിതി യോഗം 18ന് നിയമസഭയിലെ ബാങ്ക്വറ്റ് ഹാളിൽ ചേരും

തിരു:സർഫാസി നിയമം മൂലം സംസ്ഥാനത്ത് ഉളവായിട്ടുള്ള അവസ്ഥാവിശേഷങ്ങൾ പഠിച്ച് ശിപാർശകൾ സമർപ്പിക്കുന്നതിന് രൂപീകരിക്കപ്പെട്ട എസ്. ശർമ്മ ചെയർമാനായുള്ള നിയമസഭാ അഡ്‌ഹോക് കമ്മിറ്റി യോഗം 18ന് ഉച്ചയ്ക്ക് 2.30ന് നിയമസഭയിലെ ബാങ്ക്വറ്റ് ഹാളിൽ ചേരും.യോഗ ത്തിൽ തിരുവന...തുട൪ന്ന് വായിക്കുക


സാങ്കേതിക തകരാർ മൂലം ചാന്ദ്രയാൻ–2 വിക്ഷേപണം അവസാന നിമിഷം മാറ്റിവച്ചു

തിരു: ഇന്ത്യയുടെ രണ്ടാം ചാന്ദ്രദൗത്യ വിക്ഷേപണം അവസാന നിമിഷം മാറ്റിവച്ചു. സാങ്കേതിക തകരാർ മൂലം ചാന്ദ്രയാൻ–2 വിക്ഷേപണം മാറ്റി വച്ചതായി ഐഎസ‌്ആർഒ അറിയിച്ചു. പുതുക്കിയ തീയതി പിന്നീട‌് അറിയിക്കും. വിക്ഷേപണ വാഹനമായ ജിഎസ‌്എൽവി മാർക്ക‌്–3ലെ ഇന്ധന ചോർച്ചയാ...തുട൪ന്ന് വായിക്കുക


കുരുന്നു കാഴ്ചകള്‍ക്ക് തിളക്കമേകാന്‍ മിഴി പദ്ധതി സൗജന്യ കണ്ണട വിതരണം: ജില്ലാതല ഉദ്ഘാടനം മന്ത്രി നിര്‍വഹിച്ചു

കണ്ണൂര്‍: കാഴ്ചാ പ്രശ്‌നങ്ങള്‍ അനുഭവിക്കുന്ന സ്‌കൂള്‍ കുട്ടികള്‍ക്കുള്ള കണ്ണട വിതരണത്തിന്റെ ജില്ലാതല ഉദ്ഘാടനം കണ്ണൂര്‍ ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ ആരോഗ്യ മന്ത്രി കെ കെ ശൈലജ ടീച്ചര്‍ നിര്‍വഹിച്ചു. ആരോഗ്യ കുടുംബക്ഷേമ വകുപ്പിന്റെ നേതൃത്വ...തുട൪ന്ന് വായിക്കുക


കോട്ടയം മെഡിക്കല്‍ കോളേജ് വളപ്പില്‍ സ്ത്രീയുടെ മൃതദേഹം:ലോട്ടറി വിൽപനക്കാരിയാണെന്ന് സംശയിക്കുന്നതായി പൊലീസ്

കോട്ടയം: മെഡിക്കല്‍ കോളേജ് വളപ്പില്‍ കണ്ടെത്തിയ സ്ത്രീയുടെ മൃതദേഹം തൃക്കൊടിത്താനം സ്വദേശി ലോട്ടറി വിൽപനക്കാരി പൊന്നമ്മ (44) യാണെന്ന് സംശയിക്കുന്നതായി പൊലീസ് പറഞ്ഞു. പൊന്നമ്മയുടെ ബന്ധുക്കൾ മൃതദേഹം തിരിച്ചറിഞ്ഞു. കാന്‍സര്‍ വാര്‍ഡിന് എതിര്‍ വശത്ത് സി ടി...തുട൪ന്ന് വായിക്കുക


ഏറ്റെടുക്കാനാരുമില്ലാത്ത തടവുകാര്‍ക്ക് പുതുജീവിതം: 8 പേരെ പുനരധിവസിപ്പിക്കുന്നു

(പുറം ലോകം കണ്ടിട്ട് 50 വര്‍ഷം: ചുവരുകളല്ലാതെ മറ്റൊരു ലോകവുമില്ല) തിരു: 1989 ഏപ്രില്‍ പതിനൊന്നിനാണ് സുമേഷിനെ (യഥാര്‍ത്ഥ പേരല്ല) കുറ്റക്കാരനല്ലെന്നും ബന്ധുക്കളുടെ കൂടെ വിടാമെന്നും ആലപ്പുഴ ജില്ലാ അഡീഷണല്‍ സെഷന്‍സ് കോടതി വിധി ക്കുന്നത്. അപ്പോഴേക്കും ...തുട൪ന്ന് വായിക്കുക


തിരുവനന്തപുരം ഉൾപ്പെടെ എട്ട് നഗരങ്ങളിൽ സിംഗപ്പൂർ ടൂറിസം ബോർഡിന്റെ പ്രചാരണ പരിപാടികൾ

തിരു: മെട്രോപൊളിറ്റൻ, രണ്ടാം നിര നഗരങ്ങളിലെ ടൂറിസ്റ്റുകളെ സിംഗപ്പൂരിലേക്ക് ആകർഷി ക്കാൻ പ്രചാരണ പരിപാടികളുമായി സിങ്കപ്പൂർ ടൂറിസം ബോർഡ് (എസ് ടി ബി). തിരുവനന്ത പുരം, ഹൈദരാബാദ്, മധുര, കൊൽക്കത്ത, രാജ്കോട്ട്, ഗുവാഹത്തി, നാഗ്പൂർ, ജലന്ധർ എന്നീ എട്ട് നഗരങ്ങളെ...തുട൪ന്ന് വായിക്കുക


മൽസ്യതൊഴിലാളികൾക്ക് ജാഗ്രത നിർദേശം

തിരു:ജൂലൈ 17 വരെ തെക്ക് പടിഞ്ഞാറൻ അറബിക്കടൽ, മധ്യപടിഞ്ഞാറൻ അറബിക്കടൽ എന്നീ സമുദ്ര ഭാഗങ്ങളിൽ തെക്ക് പടിഞ്ഞാറൻ ദിശയിൽ നിന്ന് മണിക്കൂറിൽ 40 മുതൽ 50 വരെ കിലോമീറ്റർ വേഗതയിൽ ശക്തമായ കാറ്റ് വീശാൻ സാധ്യതയുണ്ട്. ഇവിടങ്ങളിൽ കടൽ പ്രക്ഷു ബ്ധമോ അതിപ്രക്ഷുബ്ധമോ...തുട൪ന്ന് വായിക്കുക


ചാന്ദ്രയാൻ–2 വിക്ഷേപണത്തിന‌് തയാർ

തിരു:ചന്ദ്രമണ്ഡലത്തിൽ ഒളിഞ്ഞിരിക്കുന്ന രഹസ്യം തേടുന്ന യാത്രയ‌്ക്ക‌് ഡ്രസ‌് റിഹേഴ‌്സൽ പൂർത്തി യായി. ചാന്ദ്രയാൻ–2 വിക്ഷേപണത്തിന‌് മുന്നോടിയായ പൂർണതോതിലുള്ള ക്ഷമതാപരിശോധനയാ ണ‌് വെള്ളിയാഴ‌്ച പൂർത്തിയായത‌്. ശ്രീഹരിക്കോട്ടയിലെ സതീഷ‌് ധവാൻ സ‌്പേസ‌് സെന്ററി...തുട൪ന്ന് വായിക്കുക








Copyright 2018 Pothujanam Publications. All rights reserved.