വേണ്ടതു പഞ്ചിങ്ങല്ല, ഫയൽനീക്കനിരീക്ഷണം: ഡോ. കെ.പി. നവീൻ

വേണ്ടതു പഞ്ചിങ്ങല്ല, ഫയൽനീക്കനിരീക്ഷണം

ഡോ. കെ.പി. നവീൻ

പഞ്ചുചെയ്തിട്ടു പുറത്തേക്കുപോകാനും വൈകിട്ടു പുറത്തുനിന്നു വന്നു പഞ്ചു ചെയ്തുമടങ്ങാനും കഴിയുന്ന സെക്രട്ടേറിയറ്റ് പഞ്ചിങ്ങ് പോലെ ഒരു ഭരണപരിഷ്ക്കാരകോമാളിത്തം ചരിത്രത്തിൽ തുഗ്ല ക്കിന്റെ തലസ്ഥാനം മാറ്റവും മോഡിയുടെ നോട്ടുനിരോധനവും മാത്രമേയുള്ളൂ. പഞ്ചിങ്ങ് നടപ്പാ ക്കുന്ന ഓഫീസുകളിൽ പഞ്ചു ചെയ്താലേ വാതിൽ തുറക്കൂ. പുറത്തു കടക്കണമെങ്കിലും പഞ്ചു ചെയ്താലേ വാതിൽ തുറക്കൂ. എന്നുവച്ചാൽ, ഓരോതവണ പുറത്തുപോകുന്നതും തിരികെ വരുന്ന തുമെല്ലാം രേഖപ്പെടുത്തപ്പെടും. സെക്രട്ടേറിയറ്റ് കെട്ടിടങ്ങളിൽ ഈ രീതി സാദ്ധ്യമാകണമെങ്കിൽ ദശ ലക്ഷക്കണക്കിനു രൂപ ചെലവഴിക്കേണ്ടിവരും. അതു ചെലവാക്കി എല്ലാവരെയും നിർദ്ദിഷ്ട ഏഴു മണി ക്കൂർ ഓഫീസിൽ ഇരുത്തിയാലും അവർ പണിയെടുത്തില്ലെങ്കിൽ എന്തു കാര്യം?അതുകൊണ്ട്, ഓഫീസിൽ ഇരുത്താനല്ല, പണിയെടുപ്പിക്കാനാണു നടപടി വേണ്ടത്.

ഒരു അണ്ടിയാപ്പീസ് കഥ പറയാം. മുമ്പൊക്കെ കാശുവണ്ടിഫാക്റ്ററികളിൽ അണ്ടി തല്ലുന്നസ്ത്രീകൾ അതിനിടയിൽ കശുവണ്ടി തിന്നുന്നുണ്ടോ എന്നു നോക്കാൻ സൂപ്പർവൈസർമാരെ നിയോഗിച്ചിരുന്നു. ‘വായിനോക്കിയാപ്പീസർ’ എന്നാണു തൊഴിലാളികൾ ഇവരെ വിളിച്ചിരുന്നത്. എന്നാൽ, പുതിയ മാനേജ്‌മെന്റ് സംവിധാനം വന്നതോടെ രീതി മാറി. ഒരു തൊഴിലാളി ഒരുദിവസം തല്ലുന്ന കശു വണ്ടിയുടെ അളവു കണക്കാക്കി (Percapita productivity). ഒരാൾ അത്രയും അണ്ടി തല്ലിയിരി ക്കണം എന്നു വ്യവസ്ഥ വച്ചു. അതിനെക്കാൾ കൂടുതൽ തല്ലുന്ന ഓരോ കിലോഗ്രാമിനും നിശ്ചിത തുക ഇൻസെന്റീവ് പ്രഖ്യാപിച്ചു. സ്വാഭാവികമായും ഉല്പാദനം കൂടി. വായിനോക്കിയാപ്പീസർ മാരെ ഒഴിവാക്കാനും പറ്റി. പിണറായിയുടെ ഉപദേശകർ ഇപ്പോഴും പത്തൊമ്പതാം നൂറ്റാണ്ടിലെ അണ്ടിയാപ്പീസ് മുതലാളിയുടെ നിലവാരത്തിലാണ്.

വാസ്തവത്തിൽ എന്താണു സെക്രട്ടേറിയറ്റിലെ പ്രശ്നം? അവിടെ ഒരു പണിയും നടക്കുന്നില്ല. സർക്കാർ തീരുമാനിക്കുന്ന കാര്യങ്ങൾ യഥാസമയം ഉത്തരവായി ഇറങ്ങുന്നില്ല. മുഖ്യമന്ത്രി പറഞ്ഞ ജീവിതങ്ങൾ കുരുങ്ങിക്കിടക്കുന്ന ഫയലുകളുടെ ചുവപ്പുനാടക്കുരുക്ക് അഴിയുന്നില്ല. ഏതു ഫയലിലും അതിലൂടെ നടപ്പാക്കാൻ ഉദ്ദേശിക്കുന്ന കാര്യം നടപ്പാകാതിരിക്കാനുള്ള തടസവാദങ്ങൾ എഴുതിക്കുരുക്കുന്നു. ഇതിനൊക്കെ പഞ്ചിങ്ങുകൊണ്ടു പരിഹാരമാകുമോ? മച്ചിപ്പശുവിനെ തൊഴുത്തുമാറ്റിക്കെട്ടിയാൽ പെറുമോ എന്ന് നൂറ്റാണ്ടുകൾക്കുമുമ്പേ നമ്മുടെ നാട്ടുമ്പുറത്തെ സാധാരണക്കാർപോലും ചോദിക്കാറുണ്ടായിരുന്നതുപോലെ, ഉല്പാദനക്ഷമമല്ലാത്ത ഒരു സംവിധാനത്തെക്കൊണ്ടു പഞ്ചുചെയ്യിച്ചാൽ ഉല്പാദനം ഉണ്ടാകുമോ? ഉപദേശകർക്കെന്താ ഇതു മനസിലാകാത്തത്?

ഈ നാട് നന്നാക്കാൻതന്നെ ഞാൻ തീരുമാനിച്ചിരിക്കുകയാണ് എന്നു പഞ്ചവടിപ്പാലത്തിലെ പഞ്ചാ യത്തുപ്രസിഡന്റ് ദുഃശാസനക്കുറുപ്പ് ആവർത്തിച്ചാവർത്തിച്ചു പ്രസംഗിക്കുന്നതുപോലെ,പിണറായി മന്ത്രിസഭ വന്നു ദിവസങ്ങൾക്കകം സിവിൽ സർവ്വീസ് നന്നാക്കാൻ തന്നേ ഞാൻ തീരുമാനിച്ചിരിക്കുക യാണ് എന്ന വായ്ത്താരി മുഖ്യമന്ത്രി തുടങ്ങിയതാണ്. ഫയലുകളിൽ ജീവിതമാണ്, അഴിമതി വച്ചു പൊറുപ്പിക്കില്ല, ഉദ്യോഗസ്ഥരിൽ നല്ലപങ്കും പണിയെടുക്കാത്തവരാണ്, അതൊന്നും ഇനി നടക്കില്ല എന്നിങ്ങനെയുള്ള പ്രഘോഷണങ്ങൾ പലയിടത്തും ആവർത്തിച്ചു. ചിലരെല്ലാം ആദ്യമൊക്കെ ലേശം ഭയക്കുകയും ചെയ്തു. എന്നാൽ, അദ്ദേഹം പ്രഖ്യാപിച്ച ഒരു കാര്യവും നടപ്പാകുന്നില്ല എന്ന് ഉറ പ്പാക്കാനുള്ള നടപടികൾ സെക്രട്ടേറിയറ്റിലെ വലിയൊരുവിഭാഗം ജീവനക്കാർ യൂണിയൻ ഭേദമി ല്ലാതെ അന്നുമുതലേ ജാഗ്രതയിലാണ്. അതിൽ അവർ വിജയിച്ചുകൊണ്ടേയിരിക്കുന്നു. അതേസമ യം, ഇങ്ങനെയെല്ലാം പ്രസംഗിപ്പിച്ച് അദ്ദേഹത്തെ വിഢിവേഷം കെട്ടിക്കുന്ന പേഴ്സണൽ സ്റ്റാഫു കാർക്ക് അവയെന്തെങ്കിലും നടപ്പാക്കണമെന്ന കാര്യത്തിൽ ഒരു നിർബ്ബന്ധവുമില്ലതാനും.

ഈ വിരട്ടൽപരമ്പരയ്ക്കു പിന്നാലെയാണ് കേരള അഡ്‌മിനിസ്റ്റ്രേറ്റീവ് സർവ്വീസ് (KAS) നടപ്പാക്കാൻ തീരുമാനിച്ചത്. തികച്ചും വിപ്ലവകരമായ നടപടി. എന്നാൽ, അഭിജാതരെന്നു സ്വയം കരുതുന്ന സെക്രട്ടേറിയറ്റ് കൂശ്മാണ്ടങ്ങൾ നിറഭേദമില്ലാതെ പ്രതിഷേധിച്ചു. ഇടതുയൂണിയനിലെയടക്കംകൊടും പ്രതിഷേധക്കാരെ സെക്രട്ടേറിയറ്റിനു പുറത്തേക്കു സ്ഥലം മാറ്റി. മുഖ്യമന്ത്രിയുടെ ഓഫീസിൽ നിന്നു പോലും ഒരു സെക്രട്ടേറിയറ്റ് ഉദ്യോഗസ്ഥനെ പുറത്താക്കി. ഈ സംഭവങ്ങളോടെ സെക്രട്ടേറിയറ്റിലെ ജീവനക്കാരുടെ പ്രതിഷേധവും നിഷേധനിലപാടും നിസ്സഹകരണവും പിന്നെയും കടുപ്പിച്ചു.പ്രത്യക്ഷ സമരമൊന്നും ഇല്ലെങ്കിലും, ഇയ്യാൾക്കൊരു പണികൊടുക്കണം, ഞങ്ങളെ വെറുപ്പിച്ചിട്ട് ഇയ്യാൾ ഭരി ക്കുന്നതൊന്നു കാണണം എന്ന മനോഭാവത്തിലുള്ള രഹസ്യധാരണയ്ക്കനുസരിച്ചാണു കാര്യങ്ങൾ നീക്കുന്നത്.

ഈ ഗുരുതരാവസ്ഥയിലാണ് പഞ്ചിങ്ങ് നിർബ്ബന്ധമാക്കുന്ന നടപടി വരുന്നത്. രാവിലെ പത്തേകാൽ മണിക്കുമുമ്പ് തിരുവനന്തപുരത്ത് എത്താനും അഞ്ചേകാലിനുശേഷം ഇറങ്ങിയാൽ മടങ്ങാനും ട്രയിനുകൾ ഇല്ലെന്നിരിക്കെ, പഞ്ചിങ്ങ് കാരണം വളരെ നേരത്തേ വരികയും വളരെ വൈകിമാത്രം വീടെത്തുകയും ചെയ്യേണ്ട സ്ഥിതിയായി നഗരത്തിനു പുറത്തുനിന്നു വരുന്നവർക്ക്. ഓഫീസിൽ ഉള്ള സമയത്തെങ്കിലും ആത്മാർത്ഥമായി പണിയെടുത്തിരുന്നവരെയടക്കം ഈ സമയനിഷ്ക്കർഷ ബുദ്ധിമുട്ടിലാക്കി. കുടുംബിനികളും മറ്റു കടുത്ത സമ്മർദ്ദത്തിലായി. അതിനകം നിസ്സഹകരണത്തിൽ ആയിരുന്ന സെക്രട്ടേറിയറ്റ് ജീവനക്കാർ ഇതോടെ സ്വാഭാവികമായും നിലപാടു കടുപ്പിച്ചിരിക്കു കയാണ്. സർക്കാർ തങ്ങളോട് എന്തോ പ്രതികാരം ചെയ്യുന്നു എന്ന ചിന്തയാണ് ഇപ്പോൾ അവരിൽ പലർക്കുമുള്ളത്.

തുടക്കംമുതലേ സർക്കാരിനു തെറ്റി എന്നതാണു വസ്തുത. വെറുപ്പിച്ചും വിരട്ടിയും പണിയെടുപ്പി ക്കാവുന്ന അടിമത്തയുഗമല്ല ഇതെന്ന് അറിയേണ്ട തൊഴിലാളിവർഗ്ഗപ്പാർട്ടിയാണ് ഈ പ്രകോപിപ്പി ച്ചു ഭരിക്കൽ നയം സ്വീകരിച്ചിരിക്കുന്നത് എന്നതാണു തമാശ.

എന്താണു സർക്കാർ ചെയ്യേണ്ടിയിരുന്നത്? സെക്രട്ടേറിയറ്റിലെ യഥാർത്ഥപ്രശ്നങ്ങൾ മനസിലാക്കി അവ പരിഹരിച്ചു കാര്യക്ഷമത ഉണ്ടാക്കുകയാണു വേണ്ടിയിരുന്നത്. ഇതിനു വലിയ ബുദ്ധിമുട്ടും പഞ്ചിങ്ങിനു ചെലവഴിക്കുന്നതുപോലുള്ള പണച്ചെലവും സോഫ്റ്റ്‌വെയറും ഒന്നും ആവശ്യമില്ല. സെക്രട്ടേറിയറ്റിൽ ഇപ്പോൾ ഇ-ഫയൽ സംവിധാനമാണ്. ഓരോ ഫയലിന്റെയും നീക്കം അറിയാൻ നിലവിൽത്തന്നെ സംവിധാനമുണ്ട്. മേലുദ്യോഗസ്ഥർ അതു കൃത്യമായി ഇതു നോക്കുകയേവേണ്ടൂ. ഫയലുകൾക്ക് അടയിരിക്കുന്നവർ, കാലതാമസവും കുരുക്കും ഉണ്ടാകത്തക്കവിധം ഫയൽ എഴുതു ന്നവർ എന്നിവരെ കണ്ടുപിടിക്കാൻ ഒരു പ്രയാസവുമില്ല. മാസാമാസം ഇതു മുഴുവൻ വകുപ്പു മേധാവികളും ചെയ്യുന്നു എന്ന് ഉറപ്പുവരുത്താനുള്ള നടപടിയാണു പൊതുഭരണവകുപ്പുകൈകാര്യം ചെയ്യുന്ന മുഖ്യമന്ത്രി സ്വീകരിക്കേണ്ടിയിരുന്നത്. അതിനു ഫയലിൽ ജീവിതമാനെന്നു സാരോപദേശം ചെയ്ത മഹാസമ്മേളനമോ പഞ്ചിങ്ങ് കോലാഹലമോ ഒന്നും വേണ്ടിയിരുന്നില്ല. ഈ നടപടിയാക ട്ടെ, ഒരു കോലാഹലവും കൂടാതെ നിശബ്ദം നടപ്പാക്കാമായിരുന്നതുമാണ്. മൂന്നുമാസം കൂടുമ്പോൾ മുഖ്യമന്ത്രിതന്നെ വകുപ്പുമേധാവികളുടെ യോഗം വിളിച്ച് ഫയൽനീക്കം സംബന്ധിച്ച് അവർ നട ത്തുന്ന പ്രവർത്തനങ്ങൾ വിലയിരുത്തുകയും വേണം. മൂന്നുമാസത്തിലൊരിക്കൽ ഒരു രണ്ടു മണി ക്കൂർ ഇതിനു നീക്കിവയ്ക്കാൻ മുഖ്യമന്ത്രിക്കു കഴിയില്ല എന്നുണ്ടെങ്കിൽ അതൊരു പരാജയംതന്നെ എന്നേ വിലയിരുത്താനാകൂ.

വേണമെങ്കിൽ, ഓരോ ജീവനക്കാരുടെയും കമ്പ്യൂട്ടറിൽ കിടക്കുന്ന ഫയലുകളിൽ ഏതെങ്കിലും ഒരാഴ്ചയ്ക്കുശേഷവും അനക്കാതെ കിടക്കുന്നെങ്കിൽ വകുപ്പുസെക്രട്ടറിയുടെ കമ്പ്യൂട്ടറിൽ ഒരു പോപ് അപ് പ്രത്യക്ഷപ്പെടുന്നതരത്തിൽ സോഫ്റ്റ്‌വെയറിൽ ഞൊണുക്കു വിദ്യ കൂട്ടിച്ചേർക്കാ നൊന്നും ഒരു പ്രയാസവുമില്ല. അടിയന്തരം എന്ന ഇനം ഫയലിൽ അടിയന്തരനടപടി ഉണ്ടായി ല്ലെങ്കിലും ഒരു പോപ് അപ്പോ അലേർട്ടോ അലാമോ ഇത്തരത്തിൽ ഏർപ്പാടാക്കാം.

എത്രയോ കാലമായി കേരളം കാത്തിരുന്ന കേരള അഡ്‌മിനിസ്റ്റ്രേറ്റീവ് സർവ്വീസ് യാഥാർത്ഥ്യമാക്കിയ മുഖ്യമന്ത്രി എന്ന നിലയിലാകും പിണറായി ഓർമ്മിക്കപ്പെടുക. അത്ര വിപ്ലവകരമാണത്. സർക്കാർ ജീവനക്കാരുടെ സ്ഥലംമാറ്റം രാഷ്ട്രീയ-യൂണിയൻ ഇടപെടലുകൾ അവസാനിപ്പിച്ച് കൃത്യമായ മാന ദണ്ഡങ്ങളും നടപടിക്രമവും നിശ്ചയിച്ച് വെബ്‌സൈറ്റുവഴി സുതാര്യമായി നടപ്പിലാക്കി എന്നതാകും അദ്ദേഹത്തിന്റെ തൊപ്പിയിലെ മറ്റൊരു പ്രധാനതൂവൽ. എന്നാൽ, ഇതിലൊക്കെ പ്രധാനമായ ഒന്ന് അദ്ദേഹത്തിനു ചെയ്യാനുണ്ട്. അദ്ദേഹത്തിനു മാത്രം ചെയ്യാൻ കഴിയുന്ന ഒന്ന്. അതു ചെയ്യാൻ കഴി ഞ്ഞാൽ, അതിന്റെ പേരിലാകും ചരിത്രത്തിൽ പിണറായി ഓർമ്മിക്കപ്പെടുക. കെ.എ.എസിനെ ക്കാളും പ്രധാനമായ ഭരണപരിഷ്ക്കാരമാണത്.

ചെയ്യേണ്ടത് ഇത്രമാത്രം. ഒരു ഉത്തരവിറക്കുക: സെക്രട്ടേറിയറ്റ് കേഡർ ഇല്ലാതാക്കുന്നു. സെക്രട്ടേറി യറ്റിലെ മുഴുവൻ തസ്തികയും അതതു ലൈൻ ഡിപ്പാർട്ട്‌മെന്റിലെ മികച്ച ഉദ്യോഗസ്ഥരുടെ ഡെപ്യൂ ട്ടേഷൻ തസ്തികകളാക്കി മാറ്റുന്നു. സെക്രട്ടേറിയറ്റ് കേഡറിൽ അഡീഷണൽ സെക്രട്ടറിക്കു താഴെ യുള്ള ഉദ്യോഗസ്ഥരെ വിവിധ വകുപ്പുകളിലേക്കു പുനർവിന്യസിക്കുന്നു. ലൈൻ ഡിപ്പാർട്ടുമെന്റു കളിനിന്നു ഡയറക്ടർമാർ കണ്ടു വരുന്ന ഫയലുകളും തപാലുകളും നേരിട്ട് അഡീഷണൽ സെക്രട്ടറി കണ്ട് സെക്രട്ടറിക്കു പോകുന്നതരത്തിൽ സെക്രട്ടേറിയറ്റ് നടപടിക്രമം (സെക്രട്ടേറിയറ്റ് മാനുവൽ) പരിഷ്ക്കരിക്കുന്നു. അതിനുതാഴെ ആരും അവ കാണേണ്ടതില്ല. ഇതുമൂലം സെക്രട്ടേറിയറ്റിലെ തസ്തികാബാഹുല്യത്തിൽ വരുന്ന ഗണ്യമായി കുറവിനു തുല്യമായ തസ്തികകൾ വിവിധ വിക സന, ഉല്പാദന, സേവനവകുപ്പുകളിൽ സൃഷ്ടിച്ച് ക്ഷേമവും പുരോഗതിയും കൂടുതൽ കാര്യക്ഷമ മാക്കുന്നു.

ഇത് ഒറ്റ ഉത്തരവായി ഇറക്കാൻ കഴിയണം. എങ്കിൽ കേരളം രക്ഷപ്പെടും. ഈ മച്ചിപ്പശുവിനെ പഞ്ചിങ്ങുവഴി പ്രസവിപ്പിക്കാനുള്ള മൗഢ്യം ഉപേക്ഷിച്ച് ധീരമായ ഈ നടപടിക്കാണു മുഖ്യമന്ത്രി യും ഇടതുപക്ഷജനാധിപത്യമുന്നണിസർക്കാരും തയ്യാറാകേണ്ടത്.

മകളുടെ വിവാഹത്തലേന്ന് ചടങ്ങില്‍ പാട്ടുപാടിക്കൊണ്ടിരുന്ന എസ്‌ഐ കുഴഞ്ഞുവീണ് മരിച്ചു

കൊല്ലം : മകളുടെ വിവാഹത്തലേന്ന് ചടങ്ങില്‍ പാട്ടുപാടിക്കൊണ്ടിരുന്ന എസ്‌ഐ കുഴഞ്ഞുവീണ് മരിച്ചു. നീണ്ടകര പുത്തന്‍തുറ സ്വദേശിയും തിരുവനന്തപുരം കരമന പൊലീസ് സ്റ്റേഷനിലെ എസ്‌ ഐയുമായ വിഷ്ണുപ്രസാദാണ് (56) മരിച്ചത്. മെയ് 26(ഞായറാഴ്ച്ച)നാണ് വിഷ്ണുപ്രസാദിന്റെ ഇളയ ...തുട൪ന്ന് വായിക്കുക

പത്തനംതിട്ടയിലെ വി വി പാറ്റ് കൗണ്ടിംഗ്

പത്തനംതിട്ടയിലെ വി വി പാറ്റ് കൗണ്ടിംഗ് ...തുട൪ന്ന് വായിക്കുക

ഭരണഘടനയെ നമിച്ച് നരേന്ദ്ര മോദി എന്‍ഡിഎ യോഗത്തെ അഭിസംബോധന ചെയ്തു

ന്യൂഡല്‍ഹി: പാര്‍ലമെന്റിന്റെ സെന്‍ട്രല്‍ ഹാളില്‍ ഭരണഘടനയെ നമിച്ച് നരേന്ദ്ര മോദി ജനസേവ നത്തിന്റെ രണ്ടാമൂഴത്തിന്റെ യാത്ര തുടങ്ങി. ബിജെപിയും എന്‍ഡിഎയും മോദിയെ വീണ്ടും നേതാവായി തെരഞ്ഞെടുത്തതിനു ശേഷമുള്ള മറുപടി പ്രസംഗത്തില്‍ നവഭാരത നിര്‍മ്മിതിക്കാ യുള്ള യ...തുട൪ന്ന് വായിക്കുക

ഇനി ആദിവാസി ഊരുകളില്‍ നിന്നും യൂണിഫോമുകള്‍ ഇറങ്ങും

(ഫോട്ടോ കാപ്ഷന്‍ ; സംസ്ഥാന വനിതാ വികസന കോര്‍പ്പറേഷന്റെ നേതൃത്വത്തില്‍ കോഴി ക്കോട് ചക്കിട്ടപ്പാറ ആദിവാസി ഊരില്‍ ആരംഭിച്ച തയ്യല്‍ കേന്ദ്രത്തിലെ അംഗങ്ങളായ ഉണ്ണി മായ, ശോഭ, വപിത, ഷൈമ എന്നിവര്‍ കഴക്കൂട്ടം കിന്‍ഫ്ര പാര്‍ക്കിലെ അപ്പാരള്‍ ട്രെയിനിംഗ് ആന്‍ഡ് ഡ...തുട൪ന്ന് വായിക്കുക

ഐ.ടി.ഐ.കളില്‍ ഇനി പേപ്പര്‍ പേനകള്‍; ഒപ്പം ഭിന്നശേഷിക്കാര്‍ക്ക് ആശ്വാസവും

തിരു: ഉപജീവനത്തിനായി ഭിന്നശേഷിക്കാര്‍ നിര്‍മ്മിക്കുന്ന വിവിധ ഉത്പന്നങ്ങള്‍ക്ക് മതിയായ വിപണി കണ്ടെത്താന്‍ സാമൂഹ്യനീതി വകുപ്പിന് കീഴിലുള്ള പൊതുമേഖലാ സ്ഥാപനമായ കേരള സംസ്ഥാന വികലാംഗ ക്ഷേമ കോര്‍പറേഷന്‍ നടത്തിയ പ്രപ്പോസലിന് വ്യാവസായിക പരിശീലന വകുപ്പ് അനുമത...തുട൪ന്ന് വായിക്കുക

ജുഡീഷ്യറിയുടെ തീരുമാനങ്ങൾ നടപ്പാക്കുന്ന എക്‌സിക്യൂട്ടീവാണ് കേരളത്തിലുള്ളത്: മുഖ്യമന്ത്രി

തിരു:ജുഡീഷ്യറിയുടെ തീരുമാനങ്ങൾ നടപ്പാക്കുന്ന എക്‌സിക്യൂട്ടീവാണ് കേരളത്തിലുള്ളതെന്ന് മുഖ്യമന്ത്രി പിണറായി വിജയൻ പറഞ്ഞു. ഇങ്ങനെ ചെയ്യുമ്പോൾ എക്‌സിക്യൂട്ടീവിനെതിരെ സ്ഥാപിത ശക്തികളുടെ ആക്രമണമുണ്ടായെന്ന് വരാം. അത്തരം സാഹചര്യത്തിൽ എക്‌സിക്യൂട്ടീവിന്റെ സംരക...തുട൪ന്ന് വായിക്കുക

ബാര്‍ബര്‍ഷോപ്പ് നവീകരണത്തിന് 25,000 രൂപ വരെ സഹായം

തിരു: സംസ്ഥാനത്ത് പരമ്പരാഗതമായി ബാര്‍ബര്‍ തൊഴില്‍ ചെയ്തുവരുന്ന ഒ.ബി.സി വിഭാഗത്തില്‍ പ്പെട്ടവരും ഒരു ലക്ഷം രൂപയില്‍ താഴെ വാര്‍ഷിക വരുമാനമുള്ളവരുമായ ബാര്‍ബര്‍ തൊഴിലാളി കള്‍ക്ക് തൊഴില്‍ നവീകരണത്തിന് പിന്നാക്ക വിഭാഗ വികസന വകുപ്പ് 25,000 രൂപ വരെ സഹായം അനു...തുട൪ന്ന് വായിക്കുക

ഒഡെപെക്ക് മുഖേന ഒമാനിൽ നഴ്‌സ് നിയമനം: വാക്ക് ഇൻ ഇന്റർവ്യൂ 27ന്

തിരു:ഒമാനിലെ പ്രമുഖ ആശുപത്രിയിലേക്ക് ബി.എസ്‌സി/ ഡിപ്ലോമ നഴ്‌സുമാരുടെ (സ്ത്രീ/പുരുഷൻ) നിയമനത്തിന് മേയ് 27ന് തിരുവനന്തപുരത്തെ ഒഡെപെക്ക് ഓഫീസിൽ വാക്ക് ഇൻ ഇന്റർവ്യൂ നടക്കും. ഒമാൻ പ്രോമെട്രിക് ഉള്ളവർക്ക് മുൻഗണന. ഉദ്യോഗാർത്ഥികൾ ബയോഡാറ്റ, സർട്ടിഫിക്കറ്റ...തുട൪ന്ന് വായിക്കുക

13 ജില്ലകളിലെ 44 തദ്ദേശസ്വയംഭരണ വാർഡുകളിൽ ജൂൺ 27ന് ഉപതിരഞ്ഞെടുപ്പ്

തിരു;സംസ്ഥാനത്തെ 13 ജില്ലകളിലെ 44 തദ്ദേശസ്വയംഭരണ വാർഡുകളിൽ ജൂൺ 27ന് ഉപ തിര ഞ്ഞെടുപ്പ് നടക്കുമെന്ന് സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അറിയിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, ...തുട൪ന്ന് വായിക്കുക

ജൂണ്‍ മൂന്നിന് സ്‌കൂളുകളില്‍ പ്രതിജ്ഞ: ലഹരി വിരുദ്ധ പ്രവര്‍ത്തനം സാമൂഹ്യ ജീവിതത്തിലെ അനിവാര്യത- മന്ത്രി രാമചന്ദ്രന്‍ കടന്നപ്പള്ളി

കണ്ണൂർ: സാമൂഹ്യജീവിതത്തിലെ അനിവാര്യമായ ഇടപെടലായി ലഹരി വിരുദ്ധപ്രവര്‍ത്തനങ്ങളെ കാണണമെന്ന് തുറമുഖ പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി പറഞ്ഞു. വര്‍ധിച്ചു വരുന്ന ലഹരി ഉപയോഗം കുറയ്ക്കാന്‍ നിയമ നടപടികള്‍ കൊണ്ട് മാത്രം സാധ്യമല്ലെന്നും ഇതിനെ...തുട൪ന്ന് വായിക്കുക

ജലനിധിയിൽ റീജിയണൽ പ്രോജക്ട് ഡയറക്ടർ: ഡെപ്യൂട്ടേഷൻ നിയമനം

തിരു:ലോകബാങ്ക് ധനസഹായത്തോടെ നടപ്പിലാക്കുന്ന കേരള ശുദ്ധജലവിതരണ ശുചിത്വ പദ്ധതിയായ ജലനിധിയുടെ മലപ്പുറം, കണ്ണൂർ റീജിയണൽ പ്രോജക്ട് മാനേജ്‌മെന്റ് യൂണിറ്റുകളിൽ റീജിയണൽ പ്രോജക്ട് ഡയറക്ടർ തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ അപേക്ഷ ക്ഷണിച്ചു. അപേക്ഷകന...തുട൪ന്ന് വായിക്കുക

രണ്ടു ദിവസത്തിനകം കാലവർഷക്കാറ്റ‌് വടക്കൻ ആന്തമാൻ മേഖലയിലേക്ക‌് നീങ്ങും

തിരു: തെക്കൻ ആന്തമാൻ കടലിലും തെക്കൻ ബഗാൾ ഉൾക്കടലിലുമായി കാലവർഷം മുന്നേറുന്ന തിനുള്ള അനുകൂല ഘടക ങ്ങൾ ശക്തിപ്പെടുന്നതായി കേന്ദ്ര കാലാവസ്ഥാവകുപ്പ‌് അറിയിച്ചു. രണ്ടു ദിവസത്തിനകം കാലവർഷക്കാറ്റ‌് വടക്കൻ ആന്തമാൻ മേഖലയിലേക്ക‌് നീങ്ങും. ഇതുമൂലം ഈ മേഖലയിൽ കനത്...തുട൪ന്ന് വായിക്കുക

ഗുജറാത്തിലെ സൂറത്തിൽ ട്യൂഷൻ സെന്റർ കെട്ടിടത്തിൽ തീപിടിത്തo. 18വിദ്യാർ ഥികൾ മരിച്ചു

അഹമ്മദാബാദ‌് :ഗുജറാത്തിലെ സൂറത്തിൽ ട്യൂഷൻ സെന്റർ കെട്ടിടത്തിൽ തീപിടിത്തo. 18വിദ്യാർ ഥികൾ മരിച്ചു. 14നും 17നുമിടയിൽ പ്രായമുള്ളവരും അധ്യാപകരുമാണ‌് കെട്ടിടത്തിലുണ്ടായിരുന്ന ത‌്. വെള്ളിയാഴ‌്ച പകൽ 3.30ന‌് മൂന്നുനിലയുള്ള തക്ഷശില ആർക്കേഡ‌് എന്ന കെട്ടിടത്തിന...തുട൪ന്ന് വായിക്കുക

ലോക‌്സഭാ തെരഞ്ഞെടുപ്പ‌് ഫലം വന്നതിന‌് പിന്നാലെ ഇന്ധനവില വീണ്ടും കൂട്ടി

തിരു; ലോക‌്സഭാ തെരഞ്ഞെടുപ്പ‌് ഫലം വന്നതിന‌് തൊട്ടുപിന്നാലെ ഇന്ധനവില വീണ്ടും കൂട്ടി. വ്യാഴാഴ‌്ചയും വെള്ളിയാഴ‌്ചയുമായി ഡീസലിനും പെട്രോളിനും ലിറ്ററിന‌് 27ഉം 13ഉം പൈസ കൂട്ടി. 19ന‌് അവസാനഘട്ട തെരഞ്ഞെടുപ്പ‌് നടന്നതിനുശേഷം അഞ്ചുദിവസത്തിനിടെ ഒരുലിറ്റർ ഡ...തുട൪ന്ന് വായിക്കുക

സർക്കാർ ഡയറിയിലേക്കായി വിവരങ്ങൾ അപ്‌ഡേറ്റ് ചെയ്യണം

തിരു:കേരള സർക്കാർ ഡയറി 2019 www.kerala.gov.in-ൽ ലഭ്യമാണ്. ഇതിൽ രേഖപ്പെടുത്തിയിട്ടുള്ള വിശദാംശങ്ങൾ (പേര്, പദവി, വിലാസം, ഓഫീസ് ഫോൺ നമ്പർ, മൊബൈൽ നമ്പർ,ഇ-മെയിൽ വിലാസം, വെബ്‌സൈറ്റ്, വീട്ടുമേൽവിലാസം) അപ്‌ഡേറ്റ് ചെയ്യുന്നതിനായി keralagovernmentdiary @gmail...തുട൪ന്ന് വായിക്കുക