എം. ഗോവിന്ദന്റെ സ്മരണ സ്വതന്ത്രാന്വേഷണത്തിന് പ്രചോദനം: പ്രൊഫ. എം.കെ. സാനു
22/1/2017
കൊച്ചി: ചിന്തയുടെയും വായനയുടെയും ലോകത്ത് വ്യാപരിക്കുന്നവരില്‍ സ്വതന്ത്രാന്വേഷണത്തിന് എക്കാലവും പ്രചോദനമാണ് എം. ഗോവിന്ദന്റെ സ്മരണകളെന്ന് പ്രൊഫ. എം.കെ. സാനു. ലോകനിര്‍മിതിയിലും ചരിത്രത്തിന്റെ ചാലകശക്തിയെന്ന നിലയിലും മനുഷ്യന്റെ വൈഭവത്തിലുള്ള വിശ്വാസമാണ് എം. ഗോവിന്ദന്‍ ഉറക്കെ പ്രഖ്യാപിച്ചത്. സ്വതന്ത്രചിന്തയിലും മാനവികതയിലും ഊന്നിയുള്ള അദ്ദേഹത്തിന്റെ പ്രവര്‍ത്തനവും രചനകളും നവോത്ഥാന കേരളത്തിന്റെ സുപ്രധാന ഏടുകളിലൊന്നാണെന്ന് അദ്ദേഹം പറഞ്ഞു. പബ്ലിക്ക് റിലേഷന്‍സ് വകുപ്പ്, കൊച്ചിന്‍ ഫിലിം സൊസൈറ്റി, ഓര്‍ത്തിക് ക്രിയേറ്റീവ് സെന്റര്‍ എന്നിവ സംയുക്തമായി സംഘടിപ്പിച്ച എം. ഗോവിന്ദന്‍ അനുസ്മരണയോഗത്തില്‍ സംസാരിക്കുകയായിരുന്നു പ്രൊഫ. എം.കെ. സാനു.
സാഹചര്യങ്ങളെ വിലയിരുത്താനും മെച്ചപ്പെടുത്താനും ഗോവിന്ദന്‍ നിരന്തരം ശ്രമിച്ചു. മനുഷ്യന്റെ നിലനില്‍പ്പിനെ പ്രതികൂലമായി ബാധിക്കുന്ന എന്തിനെയും അദ്ദേഹം നിശിതമായി വിമര്‍ശിച്ചു. വിവിധ കോണുകളില്‍ നിന്നുയര്‍ന്ന എതിര്‍പ്പുകളൊന്നും അദ്ദേഹത്തിന്റെ നിലപാടുകളെ സ്പര്‍ശിച്ചില്ല. മൗലികമായ ചിന്തയും വീക്ഷണവുമാണ് ഗോവിന്ദനെ തലമുറകള്‍ക്ക് പ്രിയങ്കരനാക്കുന്നത്. തന്റെ ആദര്‍ശത്തിനും ധാര്‍മികബോധത്തിനുമല്ലാതെ മറ്റൊന്നിനും വഴങ്ങാനും ഒതുങ്ങാനും അദ്ദേഹം തയാറായിരുന്നില്ലെന്ന് എം.കെ. സാനു ചൂണ്ടിക്കാട്ടി.
ടി. കലാധരന്‍ അധ്യക്ഷത വഹിച്ചു. ഷീബ അമീര്‍, കൊച്ചിന്‍ ഫിലിം സൊസൈറ്റി സെക്രട്ടറി അനൂപ് വര്‍മ്മ, ജില്ലാ ഇന്‍ഫര്‍മേഷന്‍ ഓഫീസര്‍ നിജാസ് ജ്യുവല്‍, കെ.എന്‍. ശശിധരന്‍ എന്നിവര്‍ പ്രസംഗിച്ചു. പബ്ലിക്ക് റിലേഷന്‍സ് വകുപ്പിന് വേണ്ടി എം. ഗോവിന്ദനെ കുറിച്ച് കെ.എന്‍. ശശിധരന്‍ സംവിധാനം ചെയ്ത ഡോക്യുമെന്ററിയും പ്രദര്‍ശിപ്പിച്ചു.
ബംഗളൂരു: രാമനഗര ജില്ലയിൽ ബേലികൊത്തന്നൂർ ഗ്രാമവാസി തമ്മയ്യയെ ഇന്ന് രാവിലെ പുലി ആക്രമിച്ചു. ഭക്ഷണം തേടി വീടിനുള്ളിൽ കയറിയ പുലി തമ്മയ്യയെ ആക്രമിക്കുകയായിരുന്നു. ഈ സമയം, വീട്ടിലുണ്ടായിരുന്ന ജഗദീഷ് എന്നയാൾ തമ്മയ്യയെ രക്ഷിച്ച് പുറത്തിറക്കിയ ശേഷം പുലിയെ വീട...തുട൪ന്ന് വായിക്കുക
തിരു: എറണാകുളം ജനസേവ ശിശുഭവനിലെ കുട്ടികളെ അവധിക്കാലത്ത് അവരുടെ വീടുകളില്‍ അയയ്ക്കാത്തതിനെതിരെ ദേശീയ ബാലാവകാശ കമ്മീഷന്‍ സംസ്ഥാന വനിതാ ശിശു വികസന വകുപ്പ് സെക്രട്ടറിയ്ക്ക് നോട്ടീസയച്ചു. എറണാകുളം ജനസേവ ശിശു ഭവനില്‍ വിവിധ സംസ്ഥാന ക്കാരായ 165 കുട്ടികളെ അനധ...തുട൪ന്ന് വായിക്കുക
തിരു: നിപ്പ വൈറസിനെ ഫലപ്രദമായി പ്രതിരോധിക്കാനായി കോഴിക്കോട് മെഡിക്കല്‍ കോളേജിലെ 5 ഡോക്ടര്‍മാര്‍ക്ക് ഡല്‍ഹിയിലെ സഫ്തര്‍ജംഗ് ആശുപത്രിയില്‍ അടിയന്തിര വിദഗ്ധ പരിശീലനം. ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ നിര്‍ദേശത്തെ തുടര്‍ന്നാണ് ഡോക്ടര്‍മാര്‍ക്...തുട൪ന്ന് വായിക്കുക
